قازاقستاندىق ءۇش جاسار ءبۇلدىرشىن 117 ەلدىڭ استاناسىن جاتقا ايتىپ جۇرتتى ءتانتى ەتتى

 استانا. قازاقپارات - 117 مەملەكەتتىڭ استاناسىن جاتتاپ العان ءۇش جاسار قازاقستاندىق قىز ايارۋ جۇرتتى تامساندىردى دەپ حابارلايدى NUR. KZ.

ايارۋ ەلدەردىڭ استانالارىن جازدىڭ سوڭىندا جاتتاي باستاعان. ال وعان يتەرمەلەگەن شەتەلدەرگە كوپ ساياحاتتاعان اناسى بولىپتى. ۋنيۆەرسيتەتتى اياقتاعان سوڭ بويجەتكەن انگليادا وقىماق بولعان ەكەن. الايدا تۇرمىس قۇرعان سوڭ بۇل جوسپارلارى وزگەرىپ كەتكەن كورىنەدى.

بۇگىندە وتباسى شەت مەملەكەتتەرگە بىرگە ساياحاتتايدى.

بۇگىنگە دەيىن ايارۋ قىرعىزستان مەن تۇركيانى تاماشالاپ ۇلگەرگەن. ەندى ءبۇلدىرشىن ديسنەيلەندكە بارىپ، بالەتپەن اينالىسقىسى كەلەدى ەكەن. ول اناسىمەن بىرگە اعىلشىن ءتىلىن ۇيرەنۋمەن قوسا، جانۋارلار تۋرالى دا ىزدەنەدى.

سونداي-اق، ايارۋ ءوز رۋى مەن تاريحىن، قازاق حاندىعىن كىم قۇرعانىن جانە ۇلى اقىندار مەن جازۋشىلاردى دا تانيدى.

ءبۇلدىرشىن قازىر گولوۆكيننىڭ جانكۇيەرى.