13:46, 14 - قاڭتار 2017 | GMT +5
قىتاي ءتىلىنىڭ لاتىنشا ترانسكريپتسياسىن جاساۋشى 112 جاسىندا ومىردەن وزدى
استانا. قازاقپارات - قىتايدا بۇكىل الەم مويىنداعان قىتاي ءتىلى پينينىنىڭ لاتىنشا ترانسكريپتسياسىن جاساۋشى جۋ يۋگۋان قايتىس بولدى، دەپ حابارلايدى The Paper.

13 - قاڭتار كۇنى قاريا 111 جىلدىعىن اتاپ وتكەن. جوۋ يۋگۋان 1906 -جىلدىڭ 13 - قاڭتار كۇنى جياڭسۋ پروۆينتسياسىنىڭ چانجوۋ قالاسىندا دۇنيەگە كەلگەن.
پينين قىتاي ءتىلىن لاتىن ارىپتەرىن قولدانىپ جازعانداعى فونەتيكا جۇيەسى بولىپ تابىلادى. قىتايدا ول رەسمي تۇردە 1958 -جىلى بەكىتىلسە، 1979 -جىلدان باستاپ بۇكىل الەمدە قولدانىلىپ كەلەدى.
يۋگۋان بىرنەشە شەتەل تىلدەرىن: اعىلشىن، جاپون جانە فرانسۋز تىلدەرىن مەڭگەرگەن. ونىڭ پينين جوباسى 1956 -جىلدىڭ اقپان ايىندا دايىن بولعان ەدى، دەگەنمەن ول ەكى جىل بويى جۇيەنى تولىقتاي جەتىلدىرۋمەن اينالىستى.