مۇنايدىڭ الەمدىك باعاسى 110 دوللاردان استى
مۇناي باعاسىنىڭ ءوسۋى جاھاندىق ەكونوميكانىڭ قۇلدىراۋى جانە سايكەسىنشە، ەنەرگەتيكالىق رەسۋرستارعا سۇرانىستىڭ تومەندەۋىنە بايلانىستى.
بۇل رەتتە ساراپشىلار نارىقتاعى مۇناي ۇسىنىسى جەتكىلىكسىز بولۋى مۇمكىن دەپ دابىل قاعۋدا.
Shell Plc باسشىسى بەن ۆان بەردەن بەيسەنبى كۇنى Bloomberg اگەنتتىگىنە بەرگەن سۇحباتىندا مۇناي باعاسىنىڭ قۇلدىراۋىنان گورى كوتەرىلۋى ىقتيمال ەكەنىن ايتتى، ويتكەنى ۇسىنىس تاپشىلىعى سۇرانىستىڭ السىرەۋ قاۋپىن وتەيدى.
«سۇرانىس ءالى تولىق قالپىنا كەلگەن جوق، ال ۇسىنىس جەتكىلىكسىز»، - دەپ اتاپ ءوتتى مامان.
لوندوننىڭ ICE Futures بيرجاسىندا Brent ماركالى مۇنايدىڭ قىركۇيەك ايىنداعى فيۋچەرستەرىنىڭ قۇنى 29- شىلدەدە باررەلىنە 110,42 دوللارعا دەيىن كوتەرىلدى. بۇل الدىڭعى ساۋدانىڭ جابىلۋىنداعى باعادان 3,28 (%3,06) دوللارعا جوعارى.
قىركۇيەك ايىنداعى WTI فيۋچەرستەرى نيۋ-يورك تاۋار بيرجاسىندا (NYMEX) ساۋدا بارىسىندا باررەلىنە 5,12 (%5,31) دوللارعا قىمباتتاپ، 101,54 دوللاردى قۇرادى.
