جازعى ۋنيۆەرسيادا: قازاقستان مەدالدار كەستەسىندە 10-ورىنعا كوتەرىلدى

مەدالدار كەستەسىندە قازاقستان 10-ورىنعا كوتەرىلدى، دەپ حابارلايدى قازاقپارات ءتىلشىسى.
قازىر ەل قۇراماسى ەنشىسىندە 11 مەدال بار. ونىڭ ءبىرى - التىن، بەسەۋى - كۇمىس، بەسەۋى - قولا.
مەدالدار كەستەسىندە قازاقستاندىق سپورتشىلار 14-ورىننان 10-ورىنعا كوتەرىلدى. كوش باسىندا 28 (17-6-5) مەدالمەن قىتاي كەلەدى. ودان كەيىنگى ورىندارداعى وڭتۇستىك كورەيانىڭ - 28 (13-10-5) جاپونيانىڭ 25 (11-7-7) مەدالى بار.
جازعى ۋنيۆەرسيادانىڭ ءۇشىنشى جارىس كۇنى، 31-شىلدەدە قازاقستان 6 مەدال الدى.
اتاپ ايتقاندا، تاەكۆوندوشى ريتا باكيشەۆا (48 كەلى) دۇنيەجۇزىلىك دودانىڭ جەڭىس تۇعىرىنا كوتەرىلدى.
ال ديانا تۇرسىنبەك (ساداق اتۋ) ەكىنشى ورىننان كورىندى.
كوركەم گيمناستيكادان ەلجان تانيەۆا ەكى كۇمىس (دوپ پەن لەنتامەن ونەر كورسەتۋ)، ءبىر قولا (قۇرساۋمەن سايىس) الدى.
ەل قۇراماسىنان ۆينتوۆكامەن 10 مەتر قاشىقتىقتا وق اتۋ سايىسىندا كونستانتين مالينوۆسكي، يسلام ساتپايەۆ جانە نيكيتا شاحتورين قولا جۇلدە يەلەندى.