وتكەن اپتادا 10 كىسى ءولتىرۋ قىلمىسى اشكەرەلەندى

استانا. قازاقپارات - وتكەن اپتادا ەلىمىزدىڭ اۋماعىندا 2270 قىلمىس جاسالدى. بۇل تۋرالى ءى ءى م باسپا ءسوز قىزمەتىنىڭ وكىلى شۇعىلا تۇرلىبەك ءمالىم ەتتى، دەپ حابارلايدى قازاقپارات ءتىلشىسى.

«ءبىر اپتا ىشىندە 2270 قىلمىس جاسالدى. ونىڭ 1338- ءى تاۋلىك ىشىندە اشىلدى. پوليتسيا قىزمەتكەرلەرى «ءىزىن سۋىتپاي» 10 كىسى ءولتىرۋدى، 1 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 27 توناۋ جانە 358 بوتەن مۇلىكتى ۇرلاۋ قىلمىستارىن اشتى»، - دەدى شۇعىلا تۇرلىبەك ىشكى ىستەر مينيسترلىگىنىڭ باسپا ءسوز قىزمەتى الاڭىندا وتكەن بريفينگ بارىسىندا.

ايتا كەتەيىك، وتەن اپتادا ونىڭ الدىنداعى اپتامەن سالىستىرعاندا ەلىمىزدىڭ اۋماعىندا قىلمىس سانىنىڭ ازايعانى بايقالادى. ناقتىراق ايتقاندا، 13-19- ناۋرىز كۇندەرى رەسپۋبليكا بويىنشا ءبىر اپتا ىشىندە 2918 قىلمىس جاسالىپ، ونىڭ 1842- ءسى تاۋلىك ىشىندە اشىلعان بولاتىن.