12:47, 14 - اقپان 2023 | GMT +6
تۇركيادا قيراعان ۇيلەرگە قاتىسى بار 10 مەردىگەر قاماۋعا الىندى
استانا. قازاقپارات - تۇركيادا ءزىلزالا كەزىندە قيراعان ۇيلەردى سالۋعا مەردىگەر بولعان 10 ادام قاماۋعا الىندى. جالپى 163 كۇدىكتى ۇستالعان. بۇل تۋرالى جەرگىلىكتى اقپارات قۇرالدارى حابارلادى.
حاتاي قالاسىنداعى تۇرعىن ءۇي كەشەنىنە جاۋاپتى بولعان ءبىر مەردىگەر انتالياداعى قوناق ۇيدە جاتقان جەرىندە قولعا تۇسكەن. تاعى ءبىر كۇدىكتى ستامبۇل اۋەجايىندا تۇتىلعان. ول ايەلىمەن بىرگە گرۋزياعا قاشپاق بولعان. سونداي- اق گازيانتەپتە جەرمەن- جەكسەن بولعان ءۇيدى سالعان تاعى ءبىر مەردىگەر تەمىر توردان ءبىر- اق شىقتى. ول تەحنيكالىق اقاۋعا جول بەرگەن. تاعى ونداعان ادامعا ىزدەۋ جاريالاندى.
www.24.kz