08:13, 23 - جەلتوقسان 2019 | GMT +5
دينارا ءسادۋاقاسوۆا الەمنىڭ ۇزدىك 10 شاحماتشى ايەلىنىڭ قاتارىنا ەندى
نۇر-سۇلتان. قازاقپارات - دينارا ءسادۋاقاسوۆا الەمنىڭ ۇزدىك 10 شاحماتشى ايەلىنىڭ قاتارىنا ەندى، دەپ حابارلايدى قازاقپارات قازاقستاننىڭ شاحمات فەدەراتسياسىنا سىلتەمە جاساپ.
تانىمال شاحماتشى قىز دينارا ءسادۋاقاسوۆا 2700chess.com ونلاين رەيتينگىسى بويىنشا الەمنىڭ توپ-10 ۇزدىك شاحماتشى ايەلدىڭ قاتارىنا ەندى.
ول شاحماتتان الەم چەمپيونى، رەسەيلىك گروسسمەيستەر الەكساندرا كوستەنيۋكتى، بليتستەن الەم چەمپيونى، گرۋزيالىق گروسسمەيستەر نانا دزاگنيدزەنى ارتقا قالدىردى.
«مەن الەمدەگى 9-شاحماتشىمىن»، دەپ جازدى دينارا ءسادۋاقاسوۆا جەلىدەگى پاراقشاسىندا.
ەسكە سالا كەتسەك، 23 جاستاعى دينارا ءسادۋاقاسوۆا قازاقستاننىڭ ايەلدەر قۇراماسىنىڭ كوشباسشىسى. ەلوردالىق شاحماتشى قىز 2019-جىلى ازيا چەمپيونى اتاندى، Grand Swiss تۋرنيرىنىڭ جەڭىمپازى، سونداي-اق ەلو رەيتىينگىندە 2500 ۇپايدان كوپ العان العاشقى قازاقستاندىق شاحماتشى.
