قازگيدرومەت: 10-ماۋسىمدا قازاقستاننىڭ باسىم بولىگىندە كۇن ىسىپ، جاۋىن جاۋادى
ەلدىڭ تەك سولتۇستىگى مەن وڭتۇستىگىندە عانا جاۋىن-شاشىن بولمايدى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.
كاسىپورىن تاراتقان مالىمەتتەرگە قاراعاندا، شىعىس قازاقستان وبلىسىنىڭ كەي جەرلەرىندە جەل كۇشەيىپ، جىلدامدىعى سەكۋندىنا 15-20 مەترگە، ەكپىنى 25 م/س- قا دەيىن جەتەدى، داۋىل تۇرىپ، بۇرشاق جاۋۋى مۇمكىن.
سولتۇستىك قازاقستان، پاۆلودار وبلىستارىنىڭ كەي جەرلەرىنە تۇندە جانە تاڭەرتەڭ تۇمان ءتۇسۋى مۇمكىن، پاۆلودار وبلىسىندا جەلدىڭ جىلدامدىعى 18 م/س- قا جەتەدى.
الماتى، قوستاناي وبلىستارىندا، تۇندە قاراعاندى وبلىسىندا جەلدىڭ جىلدامدىعى 15-20 م/س- قا جەتۋى مۇمكىن.
اتىراۋ، باتىس قازاقستان وبلىستارىنىڭ كەي جەرلەرىندە داۋىل تۇرىپ، بۇرشاق جاۋۋى ىقتيمال.
تۇركىستان وبلىسىنىڭ كەي جەرلەرىندە جەل 15-20 م/س- قا دەيىن كۇشەيەدى، شاڭدى داۋىل تۇرادى.
كۇندىز اقتوبە وبلىسىنىڭ كەي جەرلەرىندە داۋىل تۇرىپ، جەلدىڭ جىلدامدىعى 15-20 م/س- قا جەتەدى.
الماتى، جامبىل، تۇركىستان، قىزىلوردا، اقتوبە وبلىستارىندا، قوستاناي، قاراعاندى وبلىستارىنىڭ كەي جەرلەرىندە كۇندىز اپتاپ ىستىق بولادى.
قىزىلوردا وبلىسىندا، اقتوبە، قاراعاندى، شىعىس قازاقستان، تۇركىستان، جامبىل، الماتى وبلىستارىندا ءورت تۇتانۋ قاۋپى ساقتالادى.