قازگيدرومەت: 10-اقپان كۇنگى اۋا رايى بولجامى

قازاقستاننىڭ تەك باتىسىندا اۋا رايى جاۋىن-شاشىنسىز بولادى. جەكەلەگەن وڭىرلەردە تۇمان، كوكتايعاق، بۇرقاسىن، ەكپىندى جەل بولجانادى، دەپ حابارلايدى قازاقپارات.

«قازگيدرومەت» ر م ك- نىڭ مالىمەتىنشە، الماتى، جامبىل، تۇركىستان وبلىستارىنىڭ كەي جەرلەرىندە تۇمان، كوكتايعاق كۇتىلەدى، 15-22 م/س ەكپىندە جەل سوعادى.

جامبىل وبلىسىندا تۇندە جانە تاڭەرتەڭ جەلدىڭ جىلدامدىعى 23-28 م/س كۇشەيەدى.

شىعىس قازاقستان وبلىسىنىڭ جەكەلەگەن اۋماقتارىندا تۇمان، بۇرقاسىن بولجانادى، جەل 25 م/س ارتادى.

اقمولا، قاراعاندى وبلىستارىندا كەي جەرلەردە بۇرقاسىن كۇتىلەدى، جەلدىڭ ەكپىنى 15-20 م/س جەتەدى. 

قىزىلوردا، ماڭعىستاۋ، باتىس قازاقستان، تۇندە جانە تاڭەرتەڭ اقتوبە وبلىستارىنىڭ كەي جەرلەرىن تۇمان باسادى. 

قىزىلوردا، ماڭعىستاۋ وبلىستارىندا كوكتايعاق بولادى. سولتۇستىك قازاقستان، قوستاناي، پاۆلودار وبلىستارىندا كەي جەرلەردە بۇرقاسىن بولجانادى.