سۋپەرماركەتتەر ءبىزدى قالاي الدايدى: كەز- كەلگەن ادام ءبىلۋى ءتيىس 10 ايلا- شارعى

سوعان بايلانىستى سۋپەرماركەتتەردىڭ ءبىزدى قالاي الدايتىنى جايلى كەز- كەلگەن ادام ءبىلۋى ءتيىس قولدانىستاعى 10 ايلا- شارعىنى ۇسىنادى.

1.قاراڭدار قانداي ءدامدى تاعام

سەزىم ورگاندارى - ماركەتولوگتاردىڭ ەڭ بەلسەندى وداقتاستارى. جالپى دۇكەنگە اش بارۋعا بولمايدى. ويتكەنى نەعۇرلىم قاتتى تاماق ىشكىڭىز كەلسە، سوعۇرلىم كەرەكسىز زاتتاردى كوپ ساتىپ الاسىڭ. ءبىراق اش بولماساڭىز دا، سۋپەرماركەتتە ءسىزدىڭ تابەتىڭىزدى وياتاتىن تاعامدار جەتىپ جاتىر.

مىسالى، جاڭا پىسىرىلگەن كونديتەرلىك ونىمدەردىڭ ءيىسى كەز- كەلگەن تۇتىنۋشىنىڭ تابەتىن اشىپ، كوزىن قىزارتادى. ونداي تاتتىلەر ساتىپ الۋشىنى كوپ اقشا جۇمساۋعا يتەرمەلەيدى. ال جارىق سورەگە ادەمىلەپ تىزىلگەن تاعامدار كەز- كەلگەن ادامدى ەلىرتىپ اكەتەدى. سوندىقتان دۇكەن سورەلەرىندەگى ونىمدەر مەرەكەلىك تۇردە اشىق، شىرىندى جانە تابەت تارتارلىقتاي كورىنەدى.

ءبىراق، سىلەكەيدى اعىزاتىن ەڭ كۇشتى تاسىلدەرىنىڭ ءبىرى - بۇل تەگىن ءدام تاتۋ. بىرىنشىدەن، ولاردىڭ ءيىسى مۇڭكىپ تۇراتىندىقتان، ولاردى ساتىپ العىڭ كەلەدى. ەكىنشىدەن، تاعامنىڭ ءدامىن تەگىن تاتىپ كورگەن ادام ءوزىن دۇكەننەن ءبىر زات ساتىپ الۋعا مىندەتتى كورەدى. سەبەبى، شۇجىقتىڭ ءدامىن تەگىن تاتىپ كورمەسەڭىز، ونى ساتىپ الۋ ويىڭىزدا مۇلدە بولماعان. ال ونى جەپ كورگەننەن كەيىن ارينە، ساتىپ الاسىڭ.

2. مۋزىكامەن گيپنوزداۋ

سۋپەرماركەتتەن بەلسەندى مۋزىكا تىڭداپ قالساڭىز - بارىنشا مۇقيات بولىڭىز. سەبەبى، ساتىلىم سانىن ارتتىرۋ ماڭىزدى بولعان كەزدە، اۋەندەر تەز قارقىنمەن باستالادى. امەريكالىق ماركەتينگ قاۋىمداستىعىنىڭ زەرتتەۋى بويىنشا، جىگەرلى مۋزىكا ساتىپ الۋشىلاردى ويدا جوق نارسەلەردى ساتىپ الۋعا ازعىرادى.

سوندا ادامدار وزدەرى دە اڭعارماي كوڭىلدى اۋەننىڭ ىرعاعىنا ەرىپ، قىمبات زاتتاردى قالاي ساتىپ العاندارىن بىلمەي قالادى. ەكىنشى جاعىنان، باياۋ مۋزىكادا ايلانىڭ ءبىر ءتۇرى. دۇكەندەر جۇرەكتىڭ ورتاشا جىلدامدىعىنان الدەقايدا باياۋ ىرعاقتى اۋەندەردى ادەيى تاڭدايدى. بۇل ادامداردى سورەلەردىڭ الدىندا ۇزاق تۇرۋعا، ساۋدا الاڭىنا كوبىرەك ۋاقىت جۇمساۋعا جانە سونىڭ سالدارىنان كوپ زات ساتىپ الۋعا ماجبۇرلەيدى. سوندىقتان، ءوزىڭدى مۋزىكانىڭ ۇقساس اسەرىنەن قورعاۋ ءۇشىن، دۇكەندە قۇلاققاپپەن ءجۇرىڭىز.

3. ءتۇرلى- ءتۇستى بەزەندىرۋلەر

ادامدار قابىرعالارى مەن سىرتى قىزىل، قىزعىلت سارى، سارى تۇستەرمەن بويالعان دۇكەندەرگە قاراي تارتىلادى. ءبىراق، دۇكەنگە كىرگەندە ونىڭ ىشىندەگى ءتۇس سالقىن تۇستەرگە وزگەرەدى. ال، جاسىل، كوكشىل سالقىن تۇستەر ساتىپ الۋشىلاردى كوپ اقشا جۇمساۋعا ماجبۇرلەيدى.

CNN Business Review جۋرنالىندا جاريالانعان زەرتتەۋگە سىلتەمە جاساي وتىرىپ، كليەنتتەر كوگىلدىر- جاسىل تۇستەرمەن بەزەندىرىلگەن دۇكەندەردە قابىرعالارى مەن سورەلەرى جىلى تۇسكە بويالعان دۇكەندەرگە قاراعاندا% 15 عا كوبىرەك اقشا قالدىراتىنىن ايتادى.

4. ديسكونت كارتالارى جانە ادالدىق باعدارلامالارى

ديسكونتتىق كارتالار ساتىپ الۋشىنىڭ اقشاسىن ۇنەمدەۋ ءۇشىن جاسالعان دەپ ويلايسىزدار ما ؟ راس، بۇل جارتىلاي شىندىق. ءبىراق ءبارى ەمەس. دۇكەندەر ءارتۇرلى سەبەپتەر بويىنشا ادالدىق كارتاسىن يەمدەنۋشىلەرگە الدەقايدا كوپ اقشا ۇنەمدەيدى.

ديسكونت كارتا ءسىزدى بەلگىلى ءبىر سۋپەرماركەتپەن بايلانىستىرىپ قويادى. مىسالى، ءسىز ەكى بىردەي دۇكەندى تاڭداعاندا، قاي جەردە ادالدىق باعدارلاماسى بار بولسا، سول جەرگە باراسىز.

كارتا ءسىزدى اڭديدى

ياعني، كارتا دۇكەنگە ساۋدا ادەتتەرىڭىز تۋرالى اقپارات بەرەدى. مىسالى، قانداي باعاداعى ەتتى العاندى ۇناتاسىز؟ يتكە اپتاسىنا قانشا رەت تاماق ساتىپ الاسىز؟ شوكولادتى، الدە قىشقىل ءسۇتتى دەسەرتتى ۇناتاسىز با؟ مىنە، وسىنداي ادەتتەر تۋرالى اقپارات بەرەدى.

 كارتانىڭ ارقاسىندا سۋپەرماركەت ءسىزدىڭ شىعىندارىڭىز تۋرالى بارلىق اقپاراتتى بىلەدى جانە ولارعا اسەر ەتۋ مۇمكىندىگىنە يە بولادى. ەگەر سىزگە 1500 تەڭگەگە شوكولاد ساتىپ الا وتىرىپ، %15 جەڭىلدىك الۋ سياقتى جەكە ۇسىنىستار تۇسسە، ءسىز اڭگىمەنىڭ نە تۋرالى بولىپ جاتقانىن تۇسىنەسىز. ارينە، ۇسىنىس پايدالى بولىپ كورىنەدى. ءبىراق بۇل، ەڭ الدىمەن، دۇكەنگە پايدا اكەلەدى. سەبەبى، ولار ءسىزدى وسىنداي ۇسىنىستارمەن بۇرىنىعىعا قاراعاندا كوپ مولشەردە تاتتىلەر ساتىپ الۋعا ماجبۇرلەيدى.

كارتوچكا ءسىزدى كوبىرەك اقشا جۇمساۋعا يتەرمەلەيدى

كوپتەگەن سۋپەرماركەتتەر وزدەرىنىڭ جەلىسىنە جۇمسالعان ءاربىر تيىنعا سىيلىق بەرەدى. كەيىنىرەك، بۇل بالداردى اقشاعا اۋىستىرىپ، كاسسادا تولەۋگە بولادى. ءبىر جاعىنان بۇل شىندىق. ەكىنشى جاعىنان، دۇكەن ءسىزدى ءتيىستى جيناققا قول جەتكىزۋ ءۇشىن كوپ اقشا جۇمساۋعا ماجبۇرلەگەنىن ءوزىڭىز دە بايقاماي قالاسىز.

5. تۇزاق تاۋارلار

«500 تەڭگەگە 10 دانا ساتىپ الىڭىز!» - باياعىدان كەلە جاتقان ماركەتينگتىك ايلا. كوپتەگەن ادامدار مۇنداي ۇسىنىستاردى اينالىپ وتپەي، كوبىنە قاجەت ونىمدەردەن دە كوپ زات ساتىپ الادى.

دەگەنمەن، بۇدان باسقا دا ايلا- شارعىلار بار. دۇكەن وتە تانىمال تاۋارلاردى وتە جاقسى باعامەن ۇسىنادى. مىسالعا، كاۋاپ دايىندايتىن مەزگىلدە ەت نەمەسە ۇلكەن قوراپتى تانىمال برەندتىڭ جايالىعى. بۇل دا تۇزاق. سەبەبى، ءتيىمدى ونىمدەر ساتىپ الۋشىلاردى بەلگىلى ءبىر سۋپەرماركەت ىزدەۋگە ماجبۇرلەۋ ءۇشىن بەلسەندى جارنامالانادى. ەگەر حالىق ەت نەمەسە جايالىق ساتىپ الۋ ءۇشىن ساۋدا الاڭىنا بارسا، نەگە باسقا نارسەلەردى دە ساتىپ الماسقا؟ مىنە، دۇكەن كاسساسى وسىنداي ىلەسپە ساۋدالاردىڭ ارقاسىندا پايدا كورەدى.

ءسويتىپ، ولار كليەنتتەردى تارتۋعا جۇمساعان شىعىندى سول ساتىپ الۋشىلار سۋپەرماركەتكە تاستاپ كەتەتىن قوسىمشا اقشامەن وتەپ الادى.

6. تولىقتىرۋشى تاۋارلار

مىسالى، ءسىز دۇكەنگە بالاڭىزدىڭ سۇيىكتى كرەكەرىن ساتىپ الۋ ءۇشىن عانا باراسىز. ال سول سورەنىڭ جانىنا جاقىنداعاندا بالالار شوكولادى مەن تاعى ءبىر ءتاتتىنى كورىپ قالاسىز دا، ءبارىن ساتىپ الاسىز. ءدال وسىنداي ۇيلەسىمدى تاۋارلاردىڭ ارقاسىندا ءسىز ويىڭىزدا بولماعان زاتتاردى ساتىپ الۋعا ءماجبۇر بولاسىز.

ال شامپۋن جانە بالزام- كونديتسيونەر سياقتى كەيبىر كومبيناتسيالار ايتپاسا دا تۇسىنىكتى. كەيبىر دۇكەندەر ءبىر رەت قولدانىلاتىن پلاستيكالىق تارەلكەلەردىڭ جانىنا ادەمى قاعاز مايلىقتاردى بىرىكتىرىپ، ساتادى. سوندا ءبىز مايلىقتاردى ءوزىمىز جوسپار بويىنشا ساتىپ الدىق دەپ ويلايمىز. شىن مانىندە، ءبىزدىڭ بولجامدى ساۋدامىز الدىن- الا بولجانعان بولاتىن.

سوندىقتان، ەسەر قولىڭىزدى بۇرىن ساتىپ الۋدى جوسپارلاماعان ونىمگە سوزساڭىز، وزىڭىزدەن: «بۇل ماعان كەرەك پە؟ » دەپ سۇراڭىز.

 7. تاعامدار تەز بۇزىلاتىن قاپتاما

جاڭا پىسكەن ناندار ءجيى قاعاز پاكەتتە ساتىلادى. بۇل ارينە ادەمى؟ ءبىراق ءىس جۇزىندە ءتيىمدى ەمەس. سەبەبى مۇنداي قاپتاماداعى نان تەز كەبەدى، ال سىزگە دۇكەنگە تاعى دا بارۋ كەرەك بولادى. بۇل دا ماركەتينگتىك ايلا- شارعىلاردىڭ ءبىرى. سول ءۇشىن سۋپەرماركەتتەن كەلگەننەن كەيىن، ساتىپ العان ونىمدەر مۇمكىندىگىنشە ۇزاعىراق ساقتالۋى ءۇشىن ولاردى پاكەتتەن شىعارىپ، دۇرىستاپ قويىڭىز.

8. قوسىمشا ارتىقشىلىعى بار ونىمدەر

 سۋپەرماركەتتەر باعامەن وينايدى. ولار اسىرەسە ساتقىلارى كەلەتىن ونىمدەردى كوز دەڭگەيىنە دەيىن كوتەرىپ، ارزان، دۇكەن ءۇشىن ءتيىمدى ەمەس تاۋارلاردى ەدەن دەڭگەيىنە دەيىن ءتۇسىرىپ جاتادى. مۇندا «سيقىرلى توعىز» اسەرى جاقسى جۇمىس ىستەيدى. ويتكەنى، كوپ ادامدار 200 تەڭگە تۇراتىن تاۋارعا قاراعاندا 199 تەڭگە تۇراتىنىن ساتىپ الادى.

9. كوپ قولدانىلاتىن برەندى ەكوسۋمكالار

قاپتامالاردىڭ ورنىنا پايدالانۋعا بولاتىن ەكولوگيالىق تازا پاكەتتەر - ناعىز ماركەتينگتىك ايلا- شارعى! بىرىنشىدەن، ولار ماركالى. ساۋدا جەلىلەرى ولارعا ءوز لوگوتيپتەرىن ورنالاستىرىپ، ساتىپ الۋشىلاردى ناعىز جارنامالاۋشىلارعا اينالدىرادى. ەكىنشىدەن، ولار كليەنتتەردى سۋپەرماركەتكە سەنۋگە ماجبۇرلەيدى. ۇشىنشىدەن، ولار ورتاشا ەسەپشوتتىڭ كولەمىن ارتتىرادى.

10. كاسساداعى سورەلەر

ماركەتولوگتار ءاردايىم شوكولاد، اشىق ءتۇستى قاپتاماداعى جەلە كامپيتتەر، بالمۇزداق، دىمقىل مايلىقتار، قولعا ارنالعان دەزينفەكتسيالىق گەلدەر، مۇشەقاپ سەكىلدى قىمبات جانە كەرەكسىز تاۋارلاردى كاسساعا ءتىزىپ قويادى. ولاردىڭ پايداسى مىنادا: ءسىز ساۋدا الاڭىندا نە الارىڭىزدى بىلمەي، باسىڭىز قاتىپ شارشاعاننان كەيىن كاسساعا كەلگەندە دەمالىپ، بالاڭىزعا نە وزىڭىزگە سول كاسساداعى تاۋارلاردىڭ ءبىرىن ساتىپ الاسىز. جانە شارشاعاننان، كاسسادان كورگەن زاتتى قالاي ساتىپ العانىڭىزدى ءوزىڭىز دە بىلمەي قالاسىز. بۇل ءادىس ادەتتە جاقسى جۇمىس ىستەپ جاتادى.

Stan.kz