تاماقتى از جەۋدىڭ 10 ءتاسىلى

استانا. قازاقپارات - ارتىق تاماقتانۋدىڭ دۇرىس ۇيىقتاۋعا كەدەرگى كەلتىرەتىنىن بىلەمىز. ەندەشە، اشتىق سەزىمىن الداپ، تاماقتى از جەۋدىڭ جولدارىن ۇسىنامىز.

 1. تىنىشتىقتا تاماقتانىڭىز

ءبىز مۋزىكا نەمەسە تەلەديدار قوسۋلى تۇرعاندا تاماق جەسەك، الاڭداپ، قاجەتتىدەن ارتىق جەپ قويامىز. سوندىقتان تاماق ىشكەندە ەشتەڭە قوسۋلى بولماعانى ءجون.

 2. تاماقتانار الدىندا سەرۋەندەپ كەلىڭىز

تاماق ىشەر الدىندا تازا اۋادا سەرۋەندەۋ اشتىق سەزىمىن باسادى ەكەن. ونىڭ سەبەبى - اعزانىڭ وتتەكپەن تولۋى. ەگەر سەرۋەندەۋگە ۋاقىت بولماسا، بىرنەشە رەت تەرەڭ تىنىس الىڭىز.

 3. الما، بانان نەمەسە جالبىز يىسكەڭىز

 امەريكالىق ديەتولوگتار ءيىس پەن تابەتتىڭ اراسىنداعى ءوزارا بايلانىسقا قاتىستى زەرتتەۋ جۇرگىزگەن. تاماقتانار الدىندا الما، بانان جانە جالبىز يىسكەگەن ادامدار تاماق از جەپ، ناتيجەسىندە وڭاي سالماق تاستاعان.

 4. تۇسكە ءمان بەرىڭىز

 كوك ءتۇس تابەتتى تۇسىرەتىندىگى بۇرىننان دالەلدەنگەن. ال كەرىسىنشە، قىزىل، قىزعىلت- سارى جانە سارى تۇستەر تابەتتى اشادى. سوندىقتان مەرەكەلىك وتىرىسقا كوك ءتۇستى كويلەك كيىپ بارىڭىز. سونىمەن قاتار، ۇيگە كوك داستارقان مەن كوك ءتۇستى ىدىس اياقتار الۋعا بولادى.

 5. شاعىن ىدىسپەن تاماقتانىڭىز

كىشكەنتاي ىدىستارمەن تاماق ءىشۋدى ادەتكە اينالدىرىڭىز جانە قوسىمشا تاماق سۇراماڭىز. كىشكەنتاي ىدىسپەن كوپ مولشەردە تاماق جەۋ كەلىسپەيدى.

 6. ءوزىڭىزدى تىڭداڭىز

ءوز اعزاڭىز بەرگەن بەلگىنى تىڭداڭىز. شىنىمەن قارنىڭىز اشقاندا تاماق ءىشىپ، تويعاندا توقتاي ءبىلىڭىز. قارنىڭىز اشپاسا، بىرەۋگە سەرىكتەس بولۋ ءۇشىن نەمەسە تاماق ىشەتىن ۋاقىت بولعانى ءۇشىن عانا تاماقتانباڭىز.

 7. تاماقتىڭ ۇنايتىنىن تاڭداڭىز

ءوزىڭىزدى قيناپ، اش جاتۋدىڭ نەمەسە ءدامسىز تاماق جەۋدىڭ قاجەتى جوق. ەگەر ءتاتتى مەن مايلى تاماقتى جاقسى كورسەڭىز، مازىرىڭىزدە ولاردىڭ از مولشەرىن بولسىن قالدىرىڭىز. ءدامدى ءارى پايدالى تاعامداردىڭ رەتسەپتىلەرىن تابىڭىز. تاماقتى دايىنداۋدان دا راقات الىڭىز.

 8. ۇيقىنى قاندىرىڭىز

امەريكالىق عالىمدار 15  جىل بويى  68000 ەمدەلۋشىنى باقىلاپ، تاۋلىگىنە 5-6 ساعات ۇيىقتايتىندار 7-8 ساعات ۇيىقتايتىندارعا قاراعاندا سەمىزدىككە يكەمدى ەكەندىگىن انىقتاعان. سوندىقتان، ەگەر ارىقتاعىڭىز كەلسە، ەرتە جاتىپ، كوپ مولشەردەگى كەشكى تاماقتان اۋلاق بولىڭىز. اس قورىتۋدىڭ بەلسەندى فازاسى تىنىش ۇيقىعا كەدەرگى كەلتىرەدى.

 9. قادام ساناڭىز

 كۇندەلىكتى قادام سانىن ەسەپتەيتىن قوسىمشا جۇكتەپ الىڭىز. ەگەر بەلسەندى سپورتپەن اينالىسپاساڭىز، ءسىزدىڭ ماقساتىڭىز - كۇنىنە  10000 قادام دەڭگەيىنە جەتۋ.

10. تاماقتان سوڭ ءتىسىڭىزدى تازالاڭىز

كەشكى تاماقتان سوڭ بىردەن ءتىسىڭىزدى تازارتىڭىز. سول كەزدە ۇيىقتار الدىندا تاعى دا تاماق ىشكىڭىز كەلمەيتىن بولادى.

Massaget.kz