عالىمدار ادام ءومىرىن 10 جىلعا ۇزارتاتىن بەس قۇپيانى اشتى
تەمەكى مەن الكوگولدەن باس تارتۋ، ديەتا، از سالماق پەن كۇن سايىنعى جاتتىعۋلار ادام ءومىرىن ورتاشا ەسەپپەن 10 جىلعا ۇزارتادى. گارۆارد ۋنيۆەرسيتەتىنىڭ دارىگەر- عالىمدارى وسىلاي دەپ سەندىرىپ وتىر. عالىمداردىڭ زەرتتەۋى Circulation جۋرنالىندا جاريالانعان.
"ءبىزدىڭ زەرتتەۋىمىز "سالاۋاتتى ءومىر سالتى - ءومىردى ۇزارتۋدىڭ باستى ءتاسىلى بولىپ قالا بەرەتىنىن" كورسەتىپ وتىر. وكىنىشكە قاراي، بۇگىندە ەشكىم وسى قاراپايىم ەرەجەنى ساقتامايدى. ساياساتكەرلەر مەن شەنەۋنىكتەر حالىق اراسىندا زياندى ادەتتەردەن ارىلۋ، دۇرىس ديەتا مەن جاتتىعۋدى ناسيحاتتاۋ ءۇشىن بار كۇش- جىگەرىن جۇمساۋى كەرەك"، - دەپ اتاپ ءوتتى گارۆارد ۋنيۆەرسيتەتىنىڭ مامانى فرەنك حۋ.
عالىم جانە ونىڭ ارىپتەستەرى دۇرىس تاماقتانۋ مەن سپورتتىڭ تۇقىم قۋالايتىن اۋرۋمەن اۋىرمايتىن ورتا جاستاعى ادامنىڭ ءومىر ۇزاقتىعىنا قالاي اسەر ەتەنىن انىقتاپ كوردى، دەپ جازادى life.ru.
ول ءۇشىن 30 جىل بويى 40 مىڭ مەدبيكە مەن دارىگەردىڭ دەنساۋلىعىن باقىلاۋ بارىسىندا جينالعان مالىمەتتەرگە تالداۋ جاسالىندى. انىقتالعانداي، ادام سەمىزدىك پەن زياندى ادەتتەردىڭ كەسىرىنەن شامامەن 12-14 جىل ءومىرىن جوعالتادى ەكەن. ال قارپايىم بەس ەرەجەنى ساقتاعان ەرلەر مەن ايەلدەر 87 جانە 93 جاسقا دەيىن ءومىر سۇرگەن. سونىمەن قاتار ولاردا قاتەرلى ىسىك پەن جۇرەك اۋرۋىمەن اۋىرۋ قاتەرى دە تومەندەگەن. ال قالعان قاتىسۋشىلار 75-79 جاسىندا قايتىس بولعان.
