ەل اۋماعىنداعى اپتاپ ىستىق 10- شىلدە كۇنى دە ساقتالادى

وڭتۇستىكتە تۇندە جانە تاڭەرتەڭ داۋىل تۇرادى. تەك رەسپۋبليكانىڭ باتىسىندا، وڭتۇستىك-باتىسىندا جانە شىعىس بولىگىندە اۋا رايى جاۋىن-شاشىنسىز بولادى. قازاقستاننىڭ كەي ايماقتارىندا جەل كۇشەيىپ، تۇندە جانە تاڭەرتەڭ تۇمان ءتۇسۋى ىقتيمال، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، سولتۇستىك قازاقستان وبلىسىنىڭ كەي جەرلەرىندە جەل 15-20 م/س ارتىپ، كۇندىز بۇرشاق جاۋۋى مۇمكىن. تۇندە جانە تاڭەرتەڭ جەكەلەگەن اۋماقتاردا تۇمان كۇتىلەدى.

اقمولا وبلىسىندا كۇندىز كەي جەرلەردە بۇرشاق جاۋۋى ىقتيمال، جەلدىڭ جىلدامدىعى 15-20 م/س قۇرايدى. تۇندە جانە تاڭەرتەڭ تۇمان كۇتىلەدى.

قىزىلوردا وبلىسىندا تۇندە جانە تاڭەرتەڭ داۋىل كوتەرىلىپ، 15-20 م/س ەكپىندە جەل سوعادى.

قوستاناي وبلىسىندا 15-20 م/س جىلدامدىقتا جەل تۇرادى، كۇندىز بۇرشاق جاۋۋى مۇمكىن.

جامبىل وبلىسىنىڭ كەي جەرلەرىندە كۇندىز جەلدىڭ ەكپىنى 15-20 م/س جەتەدى.

سونداي-اق الماتى، جامبىل، قاراعاندى وبلىستارىندا قاتتى ىستىق كۇتىلەدى، كەي جەرلەرىندە وتە قاتتى ىستىق ساقتالادى.

ماڭعىستاۋ، قىزىلوردا، تۇركىستان، اتىراۋ، اقتوبە وبلىستارىنىڭ باسىم بولىگىندە، كەي جەرلەردە شىعىس قازاقستان، اقمولا، قوستاناي وبلىستارىندا قاتتى ىستىق بولادى.

سونىمەن قاتار ماڭعىستاۋ وبلىسىندا، قىزىلوردا وبلىسىنىڭ باسىم بولىگىندە، اتىراۋ، باتىس قازاقستان، اقتوبە، تۇركىستان وبلىستارىنىڭ كەي جەرلەرىندە جوعارى ءورت قاۋپى ساقتالادى.