قازاقستاننىڭ 10 وبلىسىندا ەسكەرتۋ جاريالاندى - قازگيدرومەت

9-13- ساۋىردە اقتوبە، باتىس-قازاقستان، قوستاناي، اقمولا، سولتۇستىك-قازاقستان، پاۆلودار، قاراعاندى وبلىستارىنداعى وزەندەردە اۋا تەمپەراتۋراسىنىڭ جوعارىلاۋىنا جانە جاۋىن-شاشىن تۇسەدى دەگەن بولجامعا بايلانىستى قاردىڭ قارقىندى ەرۋ، جەرگىلىكتى اعىننىڭ قالىپتاسۋ، سۋ دەڭگەيىنىڭ كوتەرىلۋ قاۋپى بار جانە وزەن سۋى جاعادان اسىپ جايىلۋى مۇمكىن.

9-13- ساۋىردە شىعىس قازاقستان وبلىسىندا جىلى اۋا تەمپەراتۋراسىنىڭ ساقتالۋى مەن جاۋىن-شاشىن تۇسەدى دەگەن بولجامعا بايلانىستى جەرگىلىكتى، بەتكەيلىك اعىن قالىپتاسۋى مۇمكىن، مۇز كەپتەلىستەرى بولىپ، سۋ دەڭگەيىنىڭ كوتەرىلۋ، سۋ جايىلۋى جانە سۋ باسۋ قاۋپى بار.

9-11- ساۋىردە الماتى، جامبىل وبلىستارىندا جانە الماتى قالاسىندا جاڭبىر جاۋادى دەگەن بولجامعا بايلانىستى جەرگىلىكتى جانە بەتكەيلىك اعىننىڭ قالىپتاسۋى مۇمكىن. سۋ دەڭگەيى كوتەرىلىپ، جايىلىمداردى سۋ باسۋ قاۋپى بار.