قازگيدرومەت قازاقستاننىڭ 10 وبلىسنا ەسكەرتۋ جاريالادى

اتاپ ايتقاندا، 22-23- قىركۇيەك كۇندەرى سولتۇستىك قازاقستان، اقمولا، پاۆلودار، قاراعاندى وبلىستارىندا، 22-24- قىركۇيەكتە شىعىس قازاقستان وبلىسىندا سوڭى قارعا ۇلاساتىن جاڭبىر كۇتىلەدى.
تۇمان ءتۇسىپ، جەل 15-20 م/س كۇشەيەدى. تۇندە تەمپەراتۋرا -1-6 گرادۋسقا دەيىن تومەندەيدى، كۇندىز 5-10 جىلى بولادى. 22-23- قىركۇيەكتە اقتوبە جانە قوستاناي وبلىستارىندا تۇندە 0-5 گرادۋس جىلى، كەي جەرلەردە 1-3 گرادۋسقا دەيىن تومەندەيدى، كۇندىز 5-10، كەي جەرلەردە 15 گرادۋس جىلى بولادى. سونداي-اق قىزىلوردا وبلىسىندا 22-23- قىركۇيەك كۇندەرى سولتۇستىك-شىعىستان جانە شىعىستان 15-20 م/س ەكپىنمەن جەل سوعادى، كەي جەرلەردە شاڭدى داۋىل كۇتىلەدى.
باتىس قازاقستان وبلىسىندا 22-23- قىركۇيەك كۇندەرى كەي جەرلەردە نايزاعاي ويناپ، جەلدىڭ جىلدامدىعى 15-20 م/س- كە دەيىن ارتادى. 22-23 قىركۇيەكتە ورال قالاسىندا كۇندىز سولتۇستىك-شىعىستان سوعاتىن جەل وڭتۇستىك-باتىسقا اۋىسىپ، ەكپىنى 18 م/س-كە دەيىن كۇشەيەدى. 22- قىركۇيەكتە وڭتۇستىك قازاقستان وبلىسىندا تاۋلىك بويى جەكەلەگەن اۋماقتاردا سولتۇستىك-شىعىستان 15-20 م/س جىلدامدىقپەن جەل سوعادى.