قاعبا جايلى ءسىز بىلمەيتىن 10 دەرەك

بۇل ماقالادا وسى ەرەكشە عيمارات جايلى ءسىز مۇمكىن، بىلە بەرمەيتىن دەرەكتەردى ايتپاقپىز.

 1. قاعبا بىرنەشە رەت تۇرعىزىلعان.

ونىڭ قازىرگى كورىنىسى يبراھيم مەن يسمايىل پايعامبارلار تۇرعىزعان كەزدەگى كورىنىسىنەن مۇلدە باسقاشا. تابيعي اپاتتار مەن بۇزىلىپ، قيراۋلاردىڭ ناتيجەسىندە ول وسىعان دەيىن بىرنەشە رەت قايتا جاڭارتىلعان.

2. ەكى ەسىگى مەن تەرەزەسى جانە ءتۇرلى- ءتۇستى بولعان.

ءبىر ەسىگى - كىرۋگە، ەكىنشىسى - شىعۋعا ارنالعان بولاتىن. ءبىراز ۋاقىت تەرەزەسى دە بار ەدى. قازىرگى تاڭدا تەك ەسىك قالعان. باستاپقىدا قابىرعالارى قىزىل، جاسىل، اق ءتۇستى بولاتىن. ونى قارا ماتامەن جابۋ ابباسيدتەر كەزەڭىنەن باستالدى.

3. كىلتى مەككەلىك ءبىر اۋلەتكە تيەسىلى.

اۋەل باستا قۇرايىشتار تايپاسىنداعى كىلت مەككەنى العان سوڭ پايعامبارىمىزدىڭ (س. ع. س. ) قولىنا تيەدى. ءبىراق اللا ەلشىسى (س. ع. س. ) كىلتتى وسمان يبن تالحاعا قايتارىپ بەرەدى. سودان بەرى وسى اۋلەتتىڭ ۇرپاقتارى كىلتتىڭ يەسى بولىپ سانالادى.

4. قاعبا بارلىعى ءۇشىن اشىق تۇرعان.

قازىر جىلىنا ەكى رەت، ارنايى قوناقتار ءۇشىن عانا اشىلاتىن ەسىك ول كەزدە اپتاسىنا ەكى رەت كەز كەلگەن ادام ءۇشىن اشىق تۇراتىن بولعان.

5. قاعبانى سۋ باسىپ كەتكەن كەزدەر بولعان.

قاعبا تاۋلار مەن دالانىڭ تومەنگى (ساي) بولىگىندە ورنالاسقاندىقتان، سۋ تاسقىندارىمەن كۇرەسۋگە مۇمكىندىك جوق كەزەڭدەردە ونى قانشاما رەت سۋ باسىپ كەتكەن. ادامدار جان- جاعىندا ءجۇزىپ قۇلشىلىق جاسايتىن بولعان.

6. ونىڭ ىشىندە كەز كەلگەن جاققا بۇرىلىپ ناماز وقۋعا بولادى.

قاعبانىڭ ىشكى قابىرعالارى اق ءتۇستى ءمارماردان جاسالعان، ەدەندەرى دە ءدال سونداي اپپاق ءمارمار.

7. ەكى قاعبا بار.

 قاعبانىڭ قاق توبەسىندە، اسپاندا ونىڭ كوشىرمەسى بار. ول جايلى قاسيەتتى قۇراندا جانە پايعامبارىمىز (س. ع. س. ) ايتقان. اللا ەلشىسى (س. ع. س. ) ميعراج ساپارى جايلى ايتقانىندا: « ... ودان كەيىن ماعان ءال- ءبايت ۋل- مامۋر (اللانىڭ ءۇيى) كورسەتىلدى. مەن جابىرەيىلدەن «بۇل نە؟ » دەپ سۇراعانىمدا ول: «بۇل ءال- ءبايت ۋل- مامۋر. كۇنىنە جەتپىس مىڭ پەرىشتە بۇل جەردە قۇلشىلىق جاسايدى، ولار ءبىر قايتقاندا ەكىنشى قايتا كەلمەيدى. ولاردىڭ ورنىنا باسقا پەرىشتەلەر كەلەدى، سولاي كۇندە جالعاسا بەرەدى» ، -  دەدى» ، -  دەگەن.

8. قارا تاستىڭ جارىلعان كەزى.

ورتا عاسىرلاردا قارماتتار سەكتاسى قاجىلىقتى «ىرىمشىلدىق» دەپ ساناپ، ونداعان مىڭ قاجىنى ءولتىرىپ، دەنەلەرىن ءزام- ءزام قۇدىعىنا تاستاپ، قارا تاستى وزدەرىمەن الىپ كەتەدى. ونى تەك 22 جىلدان سوڭ عانا، جارىلىپ، سىنعان كۇيدە عانا قايتارادى. سوندىقتان قازىر شاشىلىپ كەتپەس ءۇشىن ونى كۇمىس جيەكتەمەمەن وراپ قويعان.

9. ءپىشىنى باستاپقىدا تىكتورتبۇرىشتى بولاتىن.

10. مۇسىلماندار ءۇشىن قاعبا مەن قارا تاستىڭ ورنى ەرەك.

قاعبا اللاعا قۇلشىلىق جاساعاندا قايدا قاراپ بۇرىلۋ كەرەكتىگىن مەڭزەيتىن قاسيەتتى ورىن بولسا، قارا تاس قاسيەتتى ءۇيدىڭ قاي جەرىنەن باستاپ اينالۋ كەرەكتىگىن كورسەتەدى.