ۇلتتىق بانك جالعان 10 مىڭ تەڭگەنىڭ بار ەكەنىن راستادى
قىلمىسكەرلەر كوپ جاعدايدا قاراپايىم وفسەتتىك قاعاز بەن ءتۇرلى- ءتۇستى پرينتەرلەردى قولدانادى. سول سەبەپتى قولدان جاسالعان بانكنوتتى انىقتاۋ قيىن ەمەس، دەپ حابارلايدى قازاقپارات ءتىلشىسى.
رەسمي اقپاراتقا سايكەس، وتكەن جىلى ۇلتتىق بانكتىڭ ساراپتاماسىنا 3469 بانكنوت تۇسكەن. وسى كۋپيۋرالاردىڭ جالپى سومماسى 10744680 تەڭگەنى قۇرادى. سونىڭ ىشىندە 067070 2 تەڭگەنىڭ 928 كۋپيۋراسى جالعان دەپ تانىلدى.
«قىلمىسكەرلەر، كوبىنەسە، ورتاشا نومينالى بار كۋپيۋرالاردى جاسايدى. سەبەبى اينالىمدا جۇرگەن ونداي اقشا كوپ. ادامنىڭ وعان زەيىن قويىپ، ۇزاق زەرتتەپ جاتپايتىنىن دا جاقسى بىلەدى. ماسەلەن، وتكەن جىلى انىقتالعان جالعان اقشانىڭ 28 پايىزىن، ياعني 261 بانكنوتتى 2012 -جىلى شىعارىلعان 2000 تەڭگەلىكتەر قۇراسا، 155 داناسى 2014 -جىلعى 1000 تەڭگەلىكتەر» ، - دەيدى ابىشيەۆا.
ونىڭ سوزىنە قاراعاندا، 5000 جانە 10000 تەڭگەنىڭ جالعان كۋپيۋرلارى دا انىقتالعان. ونىڭ بارلىعىن لازەرلىك پرينتەرمەن جاساپ شىعارعان.
«سامۇرىق» قۇسىنىڭ بەلگىسى اق بوياۋمەن سالىندى. ونى ترافارەتپەن جاساعان. سونداي- اق بارىستىڭ قاناتى مەن كوگەرشىن سياقتى «سپارك» ۇلگىسىندەگى ەلەمەنتتى قولدان جاساي الماعان. ءتۇپنۇسقادا ونىڭ ءتۇسى وزگەرىپ تۇرسا، جالعان بانكنوتتا ونداي ەففەكت جوق» ، - دەپ اتاپ كورسەتتى باسقارما باسشىسى.
جالعان بانكونتتاردى لازەرلىك پرينتەرمەن ءجيى باسادى. الايدا ءبىر جاعى ءتۇپنۇسقا، ءبىر جاعى جالعان بولىپ كەلەتىن كۋپيۋرالار دا بار. قىلمىسكەرلەر ەكى جاعى بولەك ونداي بانكنوتتار ارقىلى ادامدى شاتاستىرۋدى كوزدەيدى. دەگەنمەن، كاسسالىق اپپارات ارقىلى ونداي كۋپيۋرالاردى بىردەن انىقتاۋعا بولادى. جالعان اقشانى اينالدىرىپ، دۇرىستاپ قاراسا دا، ادام ونى ءوزى دە انىقتاي الادى.
ايتا كەتەيىك، جاقىندا الەۋمەتتىك جەلىلەر مەن ۇيالى بايلانىس مەسسەندجەرلەرى ارقىلى جالعان 10000 تەڭگەلىك كۋپيۋرالاردىڭ فوتوسى تاراعان بولاتىن. «ەكەۋىنىڭ ءبىر- اق ايىرماشىلىعى بار. قالعان بارلىق جەرى بىردەي، دەتەكتورمەن دە انىقتالمايدى، اينىتپاي جاساعان، تەك اقشا سانايتىن اپارات قابىلدامايدى. ايىرماشىلىعى - كوگەرشىنىندە، سونى عانا جاساي الماعان» ، - دەلىنگەن حابارلامادا.
ۇلتتىق بانك جالعان 10 مىڭ تەڭگەنىڭ بار ەكەنىن راستادى
بۇگىندە ق ر قىلمىستىق كودەكستىڭ 231-بابىنا سايكەس، جالعان اقشانى جاساعانى ءۇشىن 12 جىلعا دەيىن باس بوستاندىعىنان ايىرۋ جازاسى قاراستىرىلعان. سونداي- اق بارلىق مال- مۇلكى تاركىلەنەدى.
اۆتور: ارمان اسقاروۆ
