ەڭ تانىمال 10 ەلەكتروندى كىتاپحانا

استانا. قازاقپارات - بۇگىنگى تاڭدا كىتاپتار ەلەكتروندى جۇيگە كوشۋ ۇستىندە. بۇل تەحنيكا ءداۋىرىنىڭ دامىعان كەزەڭىندە وتە جاقسى ءارى ىڭعايلى دۇنيە ەكەنى بارشامىزعا ءمالىم.

ەڭ تانىمال 10 ەلەكتروندى كىتاپحانانى بىلەسىز بە؟ كىتاپتى ەلەكتروندى فورماتتا وقىعىڭىز كەلسە، وسى سايتتارعا كىرسەڭىز بولادى. تەك، ءبىر ەسكەرتە كەتەتىن جايت، كىتاپتاردىڭ كوپشىلىگى ورىس تىلىندە.

 1. ماكسيم موشكوۆتىڭ كىتاپحاناسى (www.lib.ru) -  ورىس ءتىلدى ەلەكتروندى كىتاپحانالاردىڭ ىشىندەگى تانىمالى. بۇل كىتاپحانا 1994 -جىلى اشىلعان. اۆتورلار مەن وقىرماندار كىتاپحانانى كۇندەلىكتى تولىقتىرىپ وتىرادى. سەرۆيس اقشا تالاپ ەتپەيدى، بارلىعىن تەگىن وقي الاسىز. ءبىر كەمشىلىگى -  كىتاپتاردى جۇكتەي المايسىز.

 2. «الدەباران» كىتاپحاناسى (aldebaran.ru) كىتاپتى ىڭعايلى ءار ءتۇرلى ەلەكتروندى فورماتتا (epub, fb2, rtf, mobi, pdf) تەگىن جۇكتەۋدى ۇسىنادى.

 3. بۇكىل تولستوي ((www.readingtolstoy.ru) ءبىر كىتاپحانا ىشىندە. الەمنىڭ 49 ەلىنىڭ وكىلدەرى تولستويدىڭ 90 تومدىعىنىڭ ەلەكتروندى نۇسقاسىن جاساپ شىقتى. بارلىق شىعارمالاردى كەز كەلگەن ىڭعايلى فورماتتا تەگىن جۇكتەپ الۋعا بولادى. ورىس كلاسسيگىنىڭ 700-گە تارتا شىعارماسى توپتاستىرىلعان.

 4. ەنتۋزياست سەرگەي رۋبلەۆ فەدور ميحايلوۆيچ دوستويەۆسكي ((www.fedordostoevsky.ru) تۋرالى بارلىق اقپاراتتى ءبىر جەرگە جيناۋدى قولعا العان. بۇل جەردەن تەك قانا كىتاپتار عانا ەمەس، ءار ءتۇرلى ادەبي جاڭالىقتاردى، سونداي- اق فوتومۇراعات پەن مۇراجايلاردىڭ ءتىزىمىن كورۋگە بولادى.

 5. TarraNova كىتاپحاناسى (tarranova.lib.ru/about.htm) -  ءوزىن ەلەكتروندى كىتاپحانا ەمەس، مۇراعات دەپ اتاۋدى وتىنەدى. سايت باسشىلىعىنىڭ ايتۋىنشا، بارلىق ءماتىن اۆتورلاردىڭ كەلىسىمى بويىنشا سالىنعان.

 6. Libereya.com (www.libereya.com) -  «ليبەرەيا» ونلاين- كىتاپحاناسىن تىركەلگەننەن كەيىن عانا تەگىن قولدانۋعا بولادى. قولدانۋشىلارعا كوپتەگەن مىندەتتەر جۇكتەلەدى، الايدا كىتاپتار ءتىزىمى وتە جاقسى.

 7. ارتەفاكت (artefact.lib.ru/library) -  كىتاپحاناسىندا 8 مىڭعا جۋىق ءماتىن بار. بۇل كىتاپحانانىڭ ءبىر ارتىقشىلىعى -  كىتاپتار تەك ورىس تىلىندە ەمەس، الەمنىڭ 32 تىلىندەگى كىتاپتاردى تابا الاسىز. بارلىق فايلدار تەك doc فورماتىندا عانا.

 8. ThankYou.ru (thankyou.ru/lib) -  تەگىن مۋزىكا جانە ادەبيەت پورتالى. ەلەكتروندى كىتاپتاردى fb2 فورماتىندا وقي الاسىز. سونىمەن بىرگە بۇندا جازۋدى جاڭادان باستاۋشى اۆتورلار ءوز كىتاپتارىن تەگىن جاريالاۋىنا بولادى.

 9. Bookland.com (www.bookland.com/rus) -  ەلەكتروندى كىتاپتار دۇكەنى شىعارمالاردىڭ تەگىن كوللەكتسياسىن 18 تىلدە ىڭعايلى فورماتتا وقۋعا مۇمكىندىك بەرەدى. 10. «قازاقستاننىڭ اشىق كىتاپحاناسى» (kitap.kz) -  ۇلتتىق ادەبيەتىمىز مەن وتاندىق عىلىمنىڭ، ونەرىمىز بەن سان- سالاداعى شىعارماشىلىق وكىلدەرىمىزدىڭ جادىگەرلەرىن زاڭدى نەگىزدە ءبىر جەرگە جيناقتاپ، ناسيحاتتاۋدى ماقسات ەتەتىن ونلاين جوبا. ماقساتى -  حالقىمىزدىڭ اسىل قازىناسى سانالعان رۋحاني مۇرامىزدى، كونەنىڭ كوزىندەي بولعان ونەر جاۋھارلارىن كوپشىلىككە تانىتۋ، كەلەشەك ۇرپاققا جەتكىزىپ، بويىنا دارىتۋ. جاس ۇرپاقتىڭ قازاق الەمىمەن ەتەنە جاقىنداسۋىنا دانەكەر بولۋ. قازاق اقىن- جازۋشىلارىن وقۋعا قۇمارتقان كەز كەلگەن ادامدى كەز كەلگەن جەردە قاجەتتى اقپاراتپەن قامتاماسىز ەتىپ، كوپشىلىكتىڭ سۇرانىسىن ءوز دارەجەسىندە قاناعاتتاندىرۋ.

 

Massaget.kz