16:54, 27 - جەلتوقسان 2016 | GMT +5
امەريكاعا 10 جىلعا دەيىن ۆيزا الۋعا بولادى
استانا. قازاقپارات - كەلەر جىلدان باستاپ امەريكاعا بەت العان قازاقستان ازاماتتارىنا 10 جىلعا دەيىن ۆيزا الۋلارىنا رۇقسات ەتىلەدى. بۇل تۋرالى ەلىمىزدىڭ سىرتقى ىستەر ءمينيسترى ەرلان ىدىرىسوۆ ءمالىم ەتتى.
ۆيزانى تۋريستىك، ديپلوماتيالىق جانە بيزنەس ماقساتتا راسىمدەۋگە مۇمكىندىك بار. ال ەلىمىزگە كەلگەن شەتەل ازاماتتارى 5 كۇن ىشىندە ارنايى ورگاندارعا بارىپ مىندەتتى تۇردە تىركەلۋى ءتيىس. قازاق ەلى الەمنىڭ 60 تان اسا مەملەكەتتىنە ەسىگىن ايقارا اشىپ، شەتەلدىك ازاماتتارعا وتىز كۇنگە دەيىن ۆيزا راسىمدەمەي- اق ەل اۋماعىنا كىرۋگە جاعداي جاسادى.
«جىل سوڭىنا قاراي ءبىز ا ق ش- پەن كەلىسسوزدەردى اياقتادىق. بۇرىن 5 جىل بولعان مەرزىمدى 10 جىلعا ۇزارتتىق. بۇل ەكى ەل ازاماتتارىنا وتە ىڭعايلى بولادى» ، - دەدى قر سىرتقى ىستەر ءمينيسترى ەرلان ىدىرىسوۆ.
Baq.kz
