قازاقستان پرەمەر-ليگاسىندا ەڭ كوپ ويىنعا قاتىسقان 10 فۋتبولشى

استانا. قازاقپارات - قازاق فۋتبولىنىڭ تاريحىندا ءوز ەسىمىن قالدىرعان ويىنشىلار از ەمەس.

بۇگىن ەل پرەمەر-ليگاسىندا ەڭ كوپ ويىنعا قاتىسقان ويىنشىلار تۋرالى قىزىقتى دەرەك ۇسىنۋدى ءجون ساناپ وتىرمىز.

قازاقستان پرەمەر-ليگاسىندا ەڭ كوپ ويىن وتكىزگەن فۋتبولشى - نۇربول جۇماسقاليەۆ. ول تانىمال «جەتىسۋ»، «توبىل»، «لوكوموتيۆ» كوماندالارى ساپىندا دوپ تەپكەن. پرەمەر-ليگادا 496 ويىنعا قاتىسقان. الداعى ماۋسىمدا قوستانايلىق كلۋبتىڭ ساپىندا بۇل كورسەتكىشىن ارتتىرادى دەپ سەنەمىز.

ەڭ كوپ ويىنعا قاتىسقان فۋتبولشىلار اراسىندا ەكىنشى ورىندا مارقۇم سەرىك جەيلىتبايەۆ تۇر. 2013-جىلى اۋىر دەرتتەن كوز جۇمعان فۋتبولشى ەل بىرىنشىلىگىندە 457 رەسمي ويىنعا قاتىسقان.

ۇشتىككە 430 ويىن وتكىزگەن سامات سماقوۆ ەنىپ وتىر. وسىعان دەيىن «ورداباسى» ويىنشىسى ۇلتتىق قۇراماداعى ەڭ سوڭعى ويىنىن وتكىزگەن ەدى. سونداي-اق ۇلتتىق قۇراما ساپىندا ەڭ كوپ ويىنعا قاتىسقان فۋتبولشى دا - سامات سماقوۆ. ۇلتتىق قۇراما جەيدەسىندە 75 رەت جاسىل الاڭعا شىققان.

ەڭ كوپ ويىنعا قاتىسقان 10 فۋتبولشى:

 1. نۇربول جۇماسقاليەۆ -  496 ويىن

 2. سەرىك جەيلىتبايەۆ -  457؛

 3. سامات سماقوۆ -  430؛

 4. رۋسلان گۋمار -  424؛

 5. دانيار مۇقانوۆ -  418؛

 6. ماكسيم سامچەنكو -  417؛

 7. قايرات اشىربەكوۆ -  399؛

 8. ەرلان ەلەۋسىنوۆ -  398؛

 9. نۇركەن مازبايەۆ -  397؛

10. اندرەي بارسۋكوۆ - 394.

massaget.kz