قورعاسقا قاتىناۋشى ادامدار سانى 10 ميلليوننان استى
بۇل تۋرالى «قازاقپارات» ح ا ا بەيجىڭدەگى ءتىلشىسى «شينحۋا» اگەنتتىگىنە سىلتەمە جاساپ حابارلادى.
ورتالىققا كەلگەن 10 ميلليونىنشى ادام حۋبەي پروۆينتسياسىنىڭ تۇرعىنى ليۋ بولدى. ول شەكارالىق ىنتىماقتاستىق ورتالىعىنا العاش رەت بارعان. ورتالىققا كەلگەن 10 ميلليونىنشى ادام بولۋ ول ءۇشىن كۇتپەگەن جاعداي ەدى.
«قورعاس» باقىلاۋ- وتكىزۋ بەكەتىندە شەكارا قىزمەتىنىڭ وكىلدەرى وعان گۇل سىيلاپ، مەرەكەمەن قۇتتىقتادى.
باسىلىم حابارلاعانداي، «ءبىر بەلدەۋ، ءبىر جول» ستراتەگياسىن جۇزەگە اسىرۋدا «قورعاس» باقىلاۋ- وتكىزۋ بەكەتى قىتايدىڭ باتىس باعىتىنداعى ماڭىزدى قاقپاسى بولىپ وتىر.
«قورعاس» ش ى ح و- نىڭ گەوگرافيالىق مۇمكىندىكتەرى مەن جەڭىلدەتىلگەن سالىق ساياساتى قىتايلىق جانە شەتەلدىك كاسىپورىنداردى قاتتى قىزىقتىرادى.
«قورعاس» باقىلاۋ- وتكىزۋ بەكەتىنىڭ ستاتيستيكاسى بويىنشا، قاڭتار- قىركۇيەك ايلارىندا ش ى ح و- عا 3,82 ميلليون ادام بارعان. بۇل وتكەن جىلعى كورسەتكىشتەن 47,7 پايىزعا ارتىق.
ەسكە سالا كەتەيىك، «قورعاس» ش ى ح و 2012 -جىلدىڭ 18 - ساۋىرىنەن جۇمىس ىستەپ كەلەدى.
