ەسىرتكى تاسىمالداعان اقتوبەلىك 10 جىلعا باس بوستاندىعىنان ايىرىلدى
سوت ۇكىمىمەن انىقتالعانداي، سوتتالۋشى س. 2016-جىلدىڭ قاڭتار ايىندا قاساقانا، پايداكۇنەمدىك نيەتپەن زاڭسىز يەمدەنۋ جانە ماتەريالدىق پايدا تابۋ ءۇشىن اسا ءىرى مولشەردەگى ەسىرتكى زات - كەپتىرىلگەن ماريحۋانانى زاڭسىز ساقتاپ، ودان ءارى ساتۋ ماقساتىندا پويىزبەن قىزىلوردا قالاسىنان اقتوبە قالاسىنا زاڭسىز وتكىزگەن.
كەلەسى كۇنى س. جالعا العان پاتەرىنىڭ اۋلاسىنان پوليتسيا قىزمەتكەرلەرىمەن ۇستالدى. جەكە ءتىنتۋ بارىسىندا وتكىزۋ ءۇشىن وزىندە زاڭسىز ساقتاعان اسا ءىرى مولشەردەگى ەسىرتكى زات - كەپتىرىلگەن ماريحۋانا بار پاكەتى تابىلىپ، الىندى.
سوت ۇكىمىمەن سوتتالۋشى س. قازاقستان رەسپۋبليكاسى ق ك- ءنىڭ 297- بابى 3- بولىگىنىڭ 3- تارماعىمەن كىنالى دەپ تانىلىپ، وعان مۇلكىن تاركىلەي وتىرىپ، 10 جىلعا باس بوستاندىعىنان ايىرۋ جازاسى تاعايىندالدى. جازاسىن قاتاڭ رەجيمدەگى تۇزەۋ كولونياسىندا وتەۋ بەلگىلەندى.
ۇكىم زاڭدى كۇشىنە ەنگەن جوق، دەپ حابارلادى اقتوبە وبلىستىق سوتىنىڭ باسپا ءسوز قىزمەتىنەن.