استانادا باسپانا باعاسى جىل اياعىنا دەيىن 10 پايىزعا تومەندەيدى - جىلجىمايتىن مۇلىك ساراپشىسى

استانا. قازاقپارات - استانادا باسپانا باعاسى جىل اياعىنا دەيىن 10 پايىزعا تومەندەيدى.
None
None

بۇنداي پىكىردى بۇگىن «قازاقستان 2050» جالپى ۇلتتىق قوزعالىسى ساراپشىلىق كلۋبىندا وتكەن وتىرىستا BI-group كومپانياسىنىڭ وكىلى، ساراپشى انار قۋاندىقوۆا ايتتى.

«قازىرگى كەزدە جىلجىمايتىن نارىعى بويىنشا تومەندەۋدى سەزىنىپ وتىرمىز. بۇل تۇرعىدا نارىق كولەمىنەن بولەك، باعالار دا تومەندەۋدە. جالپى بۇل ترەند 2015 - جىلدىڭ باسىنان باستاۋ الدى جانە ونى ءبىز ايقىن بايقادىق. ياعني، قازىرگى كەزدە ءبىرقاتار كومپانيالاردىڭ دەفولتى بولادى دەپ ويلايمىز. وسىعان سايكەس، نارىقتى ساۋىقتىرۋ ءۇردىسى جۇرەدى. شاعىن كومپانيالار قالىپتاسىپ وتىرعان احۋالدى ەڭسەرە المايدى، سەبەبى كەيبىر كومپانيالار وزدەرىنىڭ جوبالارىنىڭ ەكونوميكاسىن الدىن الا ەسەپتەپ، تۇگەندەي الماي جاتادى»، - دەدى ا. قۋاندىقوۆا.

سايكەسىنشە، باستاپقىدا ولاردىڭ باعاسى تومەن بولعاندىقتان، قازىرگى كەزدە ودان تومەن تۇسىرە المايدى. ال ءىرى كومپانيالاردا جاعداي وزگەشە. ءىرى كومپانيالار بۇگىندە شىن مانىندە وزىندىك قۇنىن تومەندەتۋ جۇمىستارىمەن اينالىسۋدا جانە جالپى العاندا، ينفلياتسيالىق تارگەتتەۋگە دۇرىس ءىس- قيمىلدار جاساي الدى.

ونىڭ سوزىنە قاراعاندا، ءىرى قۇرىلىس كومپانيالارى قازىرگى كەزدە ۇلتتىق بانكتىڭ باعامى بويىنشا جۇمىس ىستەپ وتىرعان جوق. بۇل كومپانيالار تۇتىنۋشىلاردىڭ ناقتى مۇمكىندىكتەرىنە قاراي مويىن بۇرا باستادى.

ساراپشىنىڭ پايىمىنشا، جالپى جىلجىمايتىن مۇلىككە باعا تومەندەۋدە جانە قالا بويىنشا پاتەرلەردىڭ ەكونوم، بيزنەس، كومفورت ساناتتارىنا قاتىستى جىل اياعىنا دەيىن 10 پايىز كولەمىندە باعانىڭ تومەندەۋى ورىن الماق.

سونىمەن قاتار ول پرەميۋم ساناتتاعى باسپانالارعا توقتالا كەلە، پاتەرلەردىڭ بۇل ءتۇرى كومپانيانىڭ پورتفەلىندە بەس پايىزدان اسپايتىندىعىن جانە قازىرگى كەزدە وسى پاتەرلەر ەلەۋلى سۇرانىسقا يە بولماي وتىرعاندىعىن جەتكىزدى.

اۆتور: رۋسلان عابباسوۆ

سوڭعى جاڭالىقتار