ەلوردادا ەسىرتكى ساتقان 106 ادام سوتتالدى
بۇل تۋرالى نۇر- سۇلتان قالالىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل ءبولىمىنىڭ باستىعى سەرگەي يلينىح ايتتى، دەپ حابارلايدى قازاقپارات ءتىلشىسى.
«وكىنىشكە وراي، بۇگىندە ەسىرتكى قىلمىسى بارىنشا ۇتقىر جۇمىس ىستەي باستادى. ەسىرتكىنى بايلانىسسىز ساتۋعا كوشتى. ياعني، مۇنداي زاتتاردى بەلگىلى ءبىر جەرلەردەگى جاسىرىن ورىنعا قويىپ كەتۋ ارقىلى تاراتادى. جىل باسىنان بەرى ەلوردا اۋماعىندا تەك ەسىرتكى ساتۋ فاكتىسىمەن 106 ادام قىلمىستىق جاۋاپكەرشىلىككە تارتىلدى»، - دەدى ەسىرتكى قىلمىسىنا قارسى ءىس-قيمىل ءبولىمىنىڭ باستىعى.
سەرگەي يلينىح ونىڭ اتاپ وتۋىنشە، بۇگىندە ەسىرتكى زاتتارىن قالانىڭ كەز كەلگەن نۇكتەسىندەگى جاسىرىن ورىنعا قالدىرىپ كەتەدى. سوندىقتان پوليتسيا مۇنداي ادامداردى انىقتاۋ جانە قىلمىسقا تارتۋ ءۇشىن بارلىق قاجەتتى ءىس-شارالاردى بەلسەندى تۇردە جۇرگىزىپ جاتىر.
اۆتور: مارلان جيەمباي
