پاكىستاندا شىركەۋگە شابۋىلداعان 100 دەن استام ادام تۇتقىندالدى
ادام قۇقىقتارى جونىندەگى كوميسسيا (NCHR) مالىمەتتەرى بويىنشا، سارسەنبىدەن بەرى 17 شىركەۋگە ۆانداليزم اكتىسى جاسالعان. شىركەۋلەرگە شابۋىل شۆەتسيادا قۇراندى ورەۋ ارەكەتتەرى ورىن العان سوڭ باستالعان.
«دجارانۆالەدە 17 شىركەۋگە شابۋىل جاسالدى. ولاردىڭ 12 ءسى تىركەلگەن، 5 ەۋى تىركەلمەگەن شىركەۋلەر»، - دەپ حابارلادى ادام قۇقىقتارى جونىندەگى كوميسسيا وكىلدەرى.
5 مىڭ ادامنان قۇرىلعان توبىر دجارانۆالەدەگى شىركەۋدى قورشاپ الىپ، شابۋىلداماق بولدى. الايدا ولاردى پوليتسيا توقتاتتى.
ۆانداليزم ارەكەتى بويىنشا تەرگەۋ باستالدى.
ايتا كەتەيىك، كەيىنگى كەزدە شۆەتسيا مەن دانيادا قۇراندى ورتەۋ ارەكەتتەرى جيىلەدى.
بىرىككەن ۇلتتار ۇيىمىنىڭ باس اسسامبلەياسى كونفەسسياارالىق ديالوگتى دامىتۋعا جانە وشپەندىلىك تىلمەن كۇرەسۋگە باعىتتالعان قارار قابىلدادى.
پرەزيدەنت قاسىم- جومارت توقايەۆ سولتۇستىك ەۋروپانىڭ ءبىرقاتار مەملەكەتىندە بولعان قۇراندى ورتەۋ اكتىلەرىن قازىرگى الەمدەگى جاعدايدى شيەلەنىستىرۋگە، حالىقتار مەن مەملەكەتتەر اراسىنداعى سەنىمگە نۇقسان كەلتىرۋگە باعىتتالعان ارانداتۋشىلىق ارەكەت دەپ سانايتىنىن ايتتى.
