ءتورت تۇلىگىن كوشەگە جىبەرگەن 100 تۇرعىن ايىپپۇل تولەدى
تۇركىستان وبلىسىندا ءتورت تۇلىگىن كوشەگە قاراۋسىز جىبەرگەن 97 مال يەسىنە ق ر اكىمشىلىك قۇقىقبۇزۋشىلىق تۋرالى كودەكستىڭ 408-بابى («اۋىل شارۋاشىلىعى جانۋارلارىن جايۋ قاعيدالارىن بۇزۋ») بويىنشا جازا قولدانىلدى.
ال سوزاق اۋدانىندا ۆەتەريناريالىق قۇجاتسىز مال تاسىمالداعان 11 اۆتوكولىك انىقتالىپ، يەلەرىنە حاتتاما تولتىرىلدى. سونداي-اق ق ر ا ق ق ت ك-نىڭ 406-بابىنا («قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن بۇزۋ») سايكەس ءىس قۇجاتتارى جيناقتالىپ، اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ اۋداندىق اۋماقتىق ينسپەكتسياسىنا جولداندى.
«جول بويىندا قاراۋسىز جۇرەتىن ءىرى- قارا مال كەسىرىنەن ورىن الاتىن جول- كولىك وقيعالارىنىڭ الدىن الۋ ماقساتىندا جوسپارلانعان ءىس-شارالار اتقارىلىپ جاتىر. مال يەلەرىمەن بىرلەسىپ جارىق شاعىلىستىراتىن قارعى باۋلار تاعىلۋدا. وسى رەتتە پوليتسەيلەر قازاقستان رەسپۋبليكاسىنىڭ زاڭدارىنداعى تالاپتارعا سايكەس قانداي دا ءبىر قۇقىقبۇزۋشىلىق ورىن العان جاعدايدا مال يەلەرىنە جاۋاپكەرشىلىك قاراستىرىلعانىن ەسكەرتەدى»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
