جالعىز باستى انا ارمانى ءۇشىن 100 كەلى سالماق تاستاعان

استانا. قازاقپارات - اۋستراليالىق ايەل اسقازانىن تارىلتۋ بويىنشا وپەراتسيا جاساتىپ، 100 كەلى سالماق تاستاعان، - دەپ حابارلايدى DailyMail باسىلىمى.

مۇنى ول بورتسەرىك بولۋ ارمانى ءۇشىن جاساعان ەكەن.

28 جاستاعى نادين اتتى جالعىز باستى انا ءوزىنىڭ قالاي وزگەرگەنىن كورسەتكەن جەلىدەگى ۆيدەولار ارقىلى تانىمال بولىپ كەتتى.

ناديننىڭ سوزىنشە، ونىڭ دەنساۋلىعى ارمانداعان ماماندىعى ءۇشىن باستى كەدەرگى بولعان: بورتسەرىكتەردىڭ دەنساۋلىعى مىقتى جانە فيزيكالىق تۇرعىدا دا دايىندىعى بولۋى قاجەت. ماسەلەن بورتسەرىك جاقسى جانە جىلدام جۇزە الۋ كەرەك.

ال ارىقتاۋ كەزىندە نادين ءۇشىن ەڭ اۋىرى سۇيىكتى تاعامىن از جەپ، ول ءۇشىن ءوزىن كىنالى سەزىنبەۋ بولىپتى. ول جىلدار بويى دۇرىس تاماقتانباي كەلگەن، الايدا قازىر ءبىراز ەرەجەنى ۇستانۋدى ادەتكە اينالدىرا الىپتى.