بىشكەكتەگى قازاقستاندىقتار پرەزيدەنت سايلاۋىنا 100 پايىز قاتىستى
ۋچاسكەلىك كوميسسيا وكىلدەرى اتاپ وتكەندەي، قازاقستان ازاماتتارى سايلاۋ ۋچاسكەسىنە تاڭەرتەڭنەن بەرى كەلە باستادى.
قازاقستاننىڭ قىرعىزستانداعى ەلشىلىگىندەگى سايلاۋشىلار تىزىمىنە 160 ادام تىركەلگەن.
بۇل رەتتە داۋىس بەرگەن ازاماتتاردىڭ اراسىندا نەگىزگى سايلاۋشىلاردىڭ نەگىزگى تىزىمىنە ىلىكپەي قالعان قانداستارىمىز دا كوپتەپ تىركەلدى.
العاشقىلاردىڭ قاتارىندا سول كۇنى بىشكەكتە وقۋ-جاتتىعۋ جيىنىندا جۇرگەن جاس سپورتشىلار دا بولدى.
سونداي-اق، وسى ەلدە تۇراقتى جانە ۋاقىتشا قىزمەتتىك، تۋريستىك جانە جەكە ماقساتتا جۇرگەن ازاماتتار، ستۋدەنتتەر دە سايلاۋعا بەلسەندىلىك تانىتتى.
قازاقستان رەسپۋبليكاسىنىڭ بىشكەك قالاسىنداعى ەلشىلىگىنىڭ قىزمەتكەرلەرى سايلاۋدىڭ اشىقتىعى مەن جاريالىلىعىن، سايلاۋ ۋچاسكەسىنىڭ ۇزدىكسىز جۇمىس ىستەۋىن، سونداي-اق قازاقستان ازاماتتارىنىڭ قاۋىپسىزدىگىن قامتاماسىز ەتۋگە بار كۇش-جىگەرىن سالدى.
قىرعىزستانداعى قازاقستان پرەزيدەنتىنىڭ كەزەكتەن تىس سايلاۋىن ت م د پارلامەنتارالىق اسسامبلەياسى مەن ۇ ق ش ۇ حالىقارالىق بايقاۋشىلارى باقىلاپ وتىر.
