11:25, 24 - اقپان 2022 | GMT +6
برەنت مۇنايىنىڭ باعاسى باررەلىنە 100 دوللاردان استى
نۇر-سۇلتان. قازاقپارات - رەسەي پرەزيدەنتى ۆلاديمير پۋتيننىڭ دونباستاعى ارنايى وپەراتسيا وتكىزۋ تۋرالى مالىمدەمەسىنەن كەيىن Brent مۇنايىنىڭ باعاسى باررەلىنە 100 دوللاردان استى.
بۇل اقپارات لوندون بيرجاسىنىڭ ساۋدا-ساتتىق دەرەكتەرىندە راستالدى، - دەپ حابارلايدى Tengrinews.kz ءتىلشىسى.
ساعات 10.12-دەگى جاعداي بويىنشا، Brent ماركالى مۇناي ءساۋىر فيۋچەرستەرىنىڭ باعاسى 3,397 پايىزعا، ياعني باررەلىنە 100,13 دوللارعا دەيىن كوتەرىلدى. مامىر فيۋچەرستەرى 3,463 پايىزعا، 97,1 دوللارعا دەيىن قىمباتتادى.
ساۋىردە WTI فيۋچەرستەرى 4,015 پايىزعا، باررەلىنە 95,6 دوللارعا دەيىن ءوستى.