ەۋرووداق اۋعانستانعا گۋمانيتارلىق كومەكتى 100 ميلليون ەۋروعا ۇلعايتپاق
ۋ. ليايەن ەۋروكوميسسيا جۇمىسىنىڭ ناتيجەسىن، ەۋرووداقتىڭ دامۋ باعىتى مەن وزەكتى قاتەرلەرىن اتاپ ءوتتى. ونىڭ ايتۋىنشا، ەو گيپەرباسەكەنىڭ جاڭا داۋىرىنە قادام باسقان.
«قازىر ايماقتىق باسەكەلەستىك جانە ءىرى دەرجاۆالاردىڭ ءبىر- بىرىنە نازارىن قايتا باعىتتاۋ ءداۋىرى»، - دەدى ەۋروكوميسسيا باسشىسى.
«اۋعانستانداعى سوڭعى وقيعالار بۇل وزگەرىستىڭ سەبەبى ەمەس، ءبىراق ولار - ونىڭ سيمپتومى بولىپ تابىلادى»، - دەپ اتاپ ءوتتى ۋ. ليايەن.
ۋ. ليايەن ەۋرووداق اۋعانستان حالقىن، ايەل، بالا، پروكۋرورلارى، ءجۋرناليسى مەن قۇقىق قورعاۋشىلارىن قولدايتىنىن حابارلادى.
«مەن قازىر تۇرمەدە شىققان ەرلەردەن قاشىپ، جاسىرىنىپ جۇرگەن ايەل سۋديالار تۋرالى ويلايمىن. ولار سوت تورەلىگى مەن زاڭنىڭ ۇستەمدىگىنە قوسقان ۇلەسى ءۇشىن تاۋەكەلگە باردى. ولاردى قولداۋىمىز كەرەك جانە ولاردى قاۋىپسىز جەرگە جەتكىزۋ ءۇشىن مۇشە مەملەكەتتەرمەن بارلىق جۇمىستى ۇيلەستىرەمىز. ءبىز ەلدەگى جانە كورشى ەلدەردەگى بارلىق اۋعان حالقىن قولداۋدى جالعاستىرۋىمىز كەرەك. ءبىز ۇلكەن اشتىق پەن گۋمانيتارلىق اپاتتىڭ ناقتى قاۋپىن بولدىرماۋ ءۇشىن ءبارىن جاساۋىمىز قاجەت. ءبىز ءوز جۇمىسىمىزدى جاسايمىز. اۋعانستانعا گۋمانيتارلىق كومەكتى تاعى دا 100 ميلليون ەۋروعا ۇلعايتامىز. بۇل ءبىزدىڭ بارلىق كۇش- جىگەرىمىزدى بىرىكتىرۋ ءۇشىن كەلەسى اپتادا ۇسىناتىن اۋعانستاندى قولداۋدىڭ جاڭا، نەعۇرلىم كەڭەيتىلگەن پاكەتىنىڭ ءبىر بولىگى بولادى»، دەپ اتاپ ءوتتى ءوز سوزىندە ۋ. ليايەن.
اۆتورى ارنۇر راقىمبەكوۆ