وكپەسى 100 پايىز زاقىمدانعان ناۋقاس جازىلىپ شىقتى
20 كۇن بويى رەانيماتسيادا بولعان اسحات وتىزبايەۆ دارىگەرلەردىڭ ارقاسىندا دەرتىنەن ايىعىپ، بۇگىن ۇيىنە شىعارىلدى، دەپ حابارلايدى Egemen.kz نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ.
«بۇگىن شىعارىپ جاتقان ناۋقاسىمىز اسحات وتىزبايەۆ 25-شىلدەدە اۋرۋحانامىزعا كەلىپ ءتۇستى. ءۇشىنشى كۇنى تىنىس الۋى قيىنداپ، جاعدايى ناشارلاپ كەتتى. سول كەزدە تاعى كومپيۋتەرلىك توموگرافيا جاساپ تەكسەردىك، وكپەسى 100 پايىز زاقىمدانىپ كەتكەن ەكەن. سوعان بايلانىستى ونى رەانيماتسيا بولىمىنە اۋىستىردىق. 20 كۇن بويى جانساقتاۋ بولىمىندە جاتىپ، جاعدايى جاقسارعان سوڭ بۇگىن ۇيىنە شىعارىپ سالدىق»، دەدى №3-كوپبەيىندى قالالىق اۋرۋحاناسىنىڭ پۋلمانولوگ- دارىگەرى ساپاركۇل بەردەشوۆا- ابيلدايەۆا.
دارىگەرلەردىڭ ايتۋىنشا، اسحاتتىڭ جاعدايىنىڭ تىم ناشارلاپ كەتۋىنە ونىڭ ۆاكتسينا الماعانى سەبەپ بولعان. سەبەبى، ناۋقاستىڭ جاسىنا قاراماستان ەگەر ول ەكپە السا اۋرۋ جەڭىل وتەدى جانە ۆاكتسيناتسيالانعاندار اراسىندا جانساقتاۋ بولىمىنە تۇسەتىندەر ساۋساقپەن سانارلىق، دەيدى اق حالاتتىلار.
egemen.kz