باۆاريادا ەكى پويىز بەتپە-بەت سوقتىعىسىپ، 100 دەي ادام زارداپ شەكتى

استانا. قازاقپارات - گەرمانيانىڭ وڭتۇستىگىندەگى باۆاريا قالاسىندا ەكى پويىز بەتپە-بەت سوقتىعىسىپ قالدى.

پوليتسيانىڭ الدىن الا مالىمەتتەرىنشە، اپات سالدارىنان كەم دەگەندە ءتورت ادام قازا تاۋىپ، جۇزگە جۋىق جولاۋشى جاراقات العان. زارداپ شەككەن 15 ادام اۋىر حالدە جاتىر، 40 ادام اۋىر جاراقات الدى، دەپ حابارلايدى bbc.

پويىزداردىڭ سوقتىعىسۋى ميۋنحەننەن وڭتۇستىك- شىعىسقا قاراي 60 شاقىرىم جەردەگى باد- ايبلينگ شيپاجايلىق قالاشىعىنىڭ قاسىندا ورىن العان.

اپات سالدارىنان پويىزداردىڭ ءبىرى رەلستەن شىعىپ كەتىپ، ونىڭ بىرنەشە ۆاگونى اۋدارىلىپ قالعان.

پوليتسيانىڭ ەسەپتەۋىنشە، پويىزدار بەتپە-بەت سوعىسقان. اپات ورنىنا قۇتقارۋشىلار تىكۇشاعى كەلىپ جەتتى.

پويىزداردىڭ سوقتىعىسۋ سەبەبى ازىرگە بەلگىسىز. پوليتسيا وكىلدەرىنىڭ ايتۋىنشا، بۇل باۆاريادا سوڭعى جىلدار ىشىندە ورىن الىپ وتىرعان ءىرى اپات.

اپاتقا بايلانىستى، جاقىن ورنالاسقان جولدارداعى قوزعالىس توقتادى.