الاش قايراتكەرلەرى 100 جىل بۇرىن قازاقستاندا دەموكراتيا نەگىزدەرىن قالاماق بولدى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسى بارىسىندا ل. ن. گۋميلەۆ اتىنداعى ە ۇ ۋ- نىڭ «الاش» مادەنيەت جانە رۋحاني دامۋ ينستيتۋتىنىڭ ديرەكتورى سۇلتانحان اققۇل ۇلى ءمالىم ەتتى.
ونىڭ ايتۋىنشا، «الاش» قوزعالىسى قايراتكەرلەرىنىڭ ليبەرالدى يدەيالارى قازاقستاننىڭ دەموكراتيالىق جولمەن دامۋىنىڭ ىرگەتاسىن قالادى.
«الاش» كوسەمدەرىنىڭ ءبىرى ءاليحان بوكەيحانوۆ دەموكراتيالىق جولمەن رەسەي يمپەرياسى مەملەكەتتىك دۋماسىنىڭ قۇرامىنا كىرىپ، ودان كەيىن «الاش وردا» قوزعالىسىنىڭ كوسەمى بولىپ سايلاندى»، - دەدى ساراپشى.
ونىڭ ايتۋىنشا، «الاشتىقتار» دەموكراتيالىق دامۋدى ءبىزدىڭ ەل ءۇشىن ەڭ قولايلى بولادى دەپ ەسەپتەدى. اتاپ ايتقاندا، ولار دەموكراتيالانۋىنىڭ ارقاسىندا قىسقا مەرزىم ىشىندە ارتتا قالعان فەودالدى مەملەكەتتەن يندۋستريالىق دەرجاۆاعا اينالا العان جاپونيا تاجىريبەسىنە كوپ كوڭىل ءبولدى.
سۇلتانحان اققۇل ۇلى «الاش» كوسەمدەرى سونداي كەلەشەكتى ءبىزدىڭ ەلدە دە كورگىسى كەلگەنىن اتاپ ءوتتى. ءبىزدىڭ حالىقتىڭ يگىلىگى جولىنداعى ولاردىڭ سىڭىرگەن ەڭبەگى ەگەمەن قازاقستاننىڭ قالىپتاسۋىنىڭ نەگىزىن قالاۋعا مۇمكىندىك بەردى.
اۆتور: جاسۇلان جولدىبايەۆ
