پاريج تەاترىندا 100 گە تارتا كەپىل ۇستالۋدا، ەلدە توتەنشە جاعداي ەنگىزىلەدى

استانا. قازاقپارات - پاريجدەگى باتاكلان تەاترىندا كەمىندە 100 ادام كەپىلدىككە الىندى. فرانسۋز استاناسىنداعى بىرنەشە شابۋىلدار سەرياسى سالدارىنان كەمىندە 35 ادام قازاعا ۇشىرادى، دەپ حابارلادى BBC.

 كونسەرت زالىنداعى اتىس كاليفورنيالىق Eagles of Death Metal روك توبىنىڭ كونسەرتى ءوتىپ جاتقان ءبىر ساعاتتان سوڭ باستالدى.

شابۋىل جاساۋشىلاردىڭ سانى تۋرالى مالىمەتتەر ءارتۇرلى، كەيبىر ب ا ق- تار ءبىر-ەكى، باسقالارى - بەس-التى ادام تۋرالى حابارلايدى.

فرانسۋز جۋرناليسى كەپىلگە الۋ كەزىندە شابۋىل جاساۋشىلار سيريا تۋرالى اڭگىمە قوزعاعان دەگەندى ايتتى.

سونداي-اق بىرنەشە ونداعان ادام پاريجدەگى بىرنەشە شابۋىلدار، سونداي-اق فرانسۋز استاناسى ماڭىنداعى ستاد دە فرانس ستاديونىنداعى جارىلىستار سالدارىنان قازاعا ۇشىرادى.

Petit Cambodge مەيرامحاناسىندا قارۋلى ادام اۆتوماتتان وق جاۋدىرعان.

Liberation گازەتىنىڭ مالىمەتتەرى بويىنشا، اتىس سالدارىنان ءتورت ادام مەرت بولعان. BBC جۋرناليسى وقيعا ورنىنان جولدا ءولىپ جاتقان نەمەسە ەلەۋلى جاراقاتتانعان 10 ادامدى كورىپ تۇرعانىن حابارلاعان.

فرانسيا مەن گەرمانيا اراسىنداعى ماتچ ءوتىپ جاتقان ستاد دە فرانس ستاديونىنىڭ ماڭىندا ءۇش جارىلىس بولعان.

ماتچتى تاماشالاۋعا فرانسيا پرەزيدەنتى فرانسۋا وللاند قاتىسقانى، ونىڭ قاۋىپسىز جەرگە كوشىرىلگەنى حابارلاندى. ول شابۋىلدارعا بايلانىستى شۇعىل كەڭەس وتكىزۋدە.

كەيىنىرەك ت ا س س فرانسيا پرەزيدەنتى فرانسۋا وللاند فرانسيادا شۇعىل جاعداي ەنگىزىلەتىنىن، شەكارالار جابىلاتىنىن جاريالاعانىن حابارلادى.