بۇگىن ەلوردادا جالپىقالالىق سەنبىلىككە 100 مىڭعا جۋىق ادام قاتىسادى
شاراعا 100 مىڭعا جۋىق ادام، 450 دەن استام تەحنيكا جۇمىلدىرىلادى، دەپ حابارلايدى ەلوردا اكىمدىگىنىڭ باسپا ءسوز قىزمەتى.
ەكولوگيالىق ايلىق اياسىندا استانادا قالا اۋماعىن سانيتارلىق تازارتۋ، كوشەلەر، تروتۋارلار مەن اۋلاىشىلىك اۋماقتار تازارتىلىپ، اعاش وتىرعىزىلادى. سونىمەن قاتار، جاڭبىر سۋى جەلىلەرى مەن ارىق- ناۋا قۇبىرلارى تازارتىلىپ، ساياباقتار مەن گۇلباقتارداعى جاسىل كوشەتتەردى كۇتۋ بويىنشا ماۋسىمدىق اگروتەحنيكالىق جۇمىستار جۇرگىزىلەدى، زاڭسىز قوقىس ورىندارى مەن لاستانعان ۋچاسكەلەر جويىلادى.
ايتا كەتەيىك، سەنبىلىك كەزىندە استانالىقتار تال، ۇيەڭكى، قاراعاي، شىرشا، شەگىرشىن، تەرەكتەردىڭ 4 مىڭعا جۋىق كوشەتىن وتىرعىزادى. تاۋەلسىزدىك داڭعىلىنان ساتبايەۆ كوشەسىنە دەيىن قالالىق اكىمدىك پەن ءماسليحات وكىلدەرى، كاسىپكەرلەر پالاتاسىنىڭ، ق ر ىشكى ىستەر مينيسترلىگى، ازىرەت سۇلتان مەشىتىنىڭ وكىلدەرىنىڭ قاتىسۋىمەن 700 گە جۋىق كوشەت ەگىلەدى. احمەت بايتۇرسىن ۇلى كوشەسىنىڭ بويىنا تاۋەلسىزدىك داڭعىلىنان سارىكول كوشەسىنە دەيىن 400 گە جۋىق كوشەت، وڭتۇستىك- شىعىس ىقشام اۋدانىندا تالعار، تاسكەسكەن جانە سارتاۋ كوشەلەرىنە 500 اعاش وتىرعىزىلادى. «الماتى» اۋدانىندا تاۋەلسىزدىك داڭعىلى، مومىش ۇلى داڭعىلى، قوشقاربايەۆ كوشەسى، قالداياقوۆ كوشەسى، بايتۇرسىن ۇلى كوشەسى، ناجىمەدەنوۆ كوشەسى، بارايەۆ كوشەسى، كراۆتسوۆ كوشەسى، 46- كوشە، تاشەنوۆ كوشەسىندە اعاشتار اعارتىلادى.
ق ر پارلامەنتى ءماجىلىسى مەن سەناتىنىڭ دەپۋتاتتارى، ق ر پرەزيدەنتى اكىمشىلىگىنىڭ وكىلدەرى، ق ر پرەمەر-ءمينيسترىنىڭ كەڭسەسىنىڭ، ق ر جوعارعى سوت وكىلدەرىنىڭ قاتىسۋىمەن ورىنبور كوشەسىنەن حۋسەين بەن تالال كوشەسى، № 31 -كوشەگە دەيىن اعاش وتىرعىزىلماق. بۇل جەردە 1,5 مىڭعا جۋىق كوشەت ەگىلەدى. سونداي- اق «اراي» ساياباعىندا 80 گە جۋىق اعاش وتىرعىزىلادى. تۇران داڭعىلى، قونايەۆ كوشەسى، قورعالجىن تاسجولىنان قابانباي باتىر داڭعىلى، بەيسەكوۆا كوشەلەرىندە اعاشتار اعارتىلادى.
«سارىارقا» اۋدانىندا 1,1 مىڭعا جۋىق كوشەت وتىرعىزىلماق. بۇل جەردە ب ا ق، قالالىق ارداگەرلەر كەڭەسىنىڭ وكىلدەرى جانە ستۋدەنتتەر قاتىسادى. ن. تىلەنديەۆ كوشەسى، باباتاي ۇلى كوشەسى، سونداي- اق كوكتال تۇرعىن الابىندا كوشەتتەر ەگىلەدى.
ەسكە سالا كەتەيىك، 2015 -جىلعى 7 -قىركۇيەك پەن 7 -قازان ارالىعىندا استانا قالاسى اۋماعىن سانيتارلىق تازارتۋ، اباتتاندىرۋ جانە كوگالداندىرۋ بويىنشا كۇزگى ەكولوگيالىق ايلىق وتكىزىلەدى.