08:12, 12 - قىركۇيەك 2015 | GMT +6
مەككەدە كراننىڭ قۇلاۋىنان 100 دەن استام ادام قازاعا ۇشىرادى
استانا. قازاقپارات - مەككەدەگى ءال- حارام مەشىتىندە قۇرىلىس كرانى قۇلادى. ساۋد ارابياسى وكىمەت ورىندارىنىڭ مالىمەتتەرى بويىنشا 107 ادام قازا تاپتى، قۇرباندار سانى ارتا تۇسۋدە.
ەل ازاماتتىق قورعانىس باسقارماسى تۆيتتەردە حابارلاعانىنداي، 230 دان استام ادام زارداپ شەككەن. وقيعا ورنىندا قۇتقارۋشىلار جۇمىس جاساۋدا، دەپ حابارلادى بي- بي- سي.
الەۋمەتتىك جەلىلەردە جاريالانعان فوتوسۋرەتتەردە مەشىتتىڭ توبەسىن تەسىپ وتكەن قىزىل- اق ءتۇستى كراننىڭ ءبىر بولىگى كورىنەدى.
كەيبىر سۋرەتتەردە قايعىلى وقيعانىڭ كوپتەگەن قۇرباندارىنىڭ دەنەلەرى تۇسىرىلگەن، مەشىت ەدەنىندە قان اعىپ جاتىر.
كران مەشىتتىڭ شىعىس بولىگىنە قاتتى جەل مەن جاڭبىردىڭ سالدارىنان قۇلاعان.
قازىر مەككەدە مۇسىلمانداردىڭ جىل سايىنعى قاجىلىق ساپارىنا دايارلىق ءجۇرىپ جاتىر.