ەلەكتروندىق ۇكىمەت ارقىلى قازاقستاندىقتارعا كورسەتىلگەن قىزمەتتەر سانى 100 ميلليونعا جەتتى
سونىمەن قاتار وسى جىلدىڭ التى ايى ىشىندە 19 ميلليوننان استام قىزمەت كورسەتىلدى، دەپ حابارلايدى egov.kz.
قازاقستان ازاماتتارى 2010 -جىلدان باستاپ مەملەكەتتىك قىزمەتتەر مەن ءارتۇرلى سەرۆيستەردى ەلەكتروندى تۇردە الا الادى. بۇل ءوز رەتىندە قازاقستاندىقتاردىڭ ۋاقىتى مەن قاراجاتىن ۇنەمدەيدى.
مىسالى، ەگەر بۇرىن مەكەن جاي انىقتاماسىن ءۇشىن 3-5 كۇن كۇتۋ كەرەك بولسا، قازىرگى كەزدە ول انىقتامانى نەبارى 15 مينۋتتىڭ ىشىندە الۋعا بولادى.
مەملەكەتتىك ونلاين قىزمەتتەردى ەلەكتروندىق ۇكىمەت پورتالىندا، egov.kz موبيلدىك قوسىمشاسىندا، ەلەكتروندىق ۇكىمەت بۇرىشتارىندا (Connection Point) جانە ح ق ك و- دا ورنالاسقان ارنايى تەرمينالدار - قوعامدىق قولجەتكىزۋ پۋنكتتەرى ارقىلى الۋعا بولادى. وسى ارنالار ارقىلى كورسەتىلگەن قىزمەتتەر سانى 100 ميلليونعا جەتتى.
«ءبىز ءۇشىن بۇل وتە جاقسى كورسەتكىش، ول ادامداردىڭ ەلەكتروندىق ۇكىمەتكە سەنەتىنىن دالەلدەيدى. eGov تانىمالدىلىعى جىل سايىن ارتىپ كەلەدى، 2012 -جىلى ءبىز 10 ملن. -نان، ال 2014 -جىلى 35 ميلليوننان استام قىزمەت كورسەتسەك، بيىلعى جىلدىڭ التى ايى بويىنشا 19 ميلليوننان ارتىق قىزمەت كورسەتتىك»، - دەيدى «ۇلتتىق اقپاراتتىق تەحنولوگيالار» اق باسقارما ءتوراعاسى رۋسلان ەڭسەبايەۆ.
پورتالدىڭ ەڭ تانىمال قىزمەتى بولىپ مەكەنجاي انىقتاماسىن الۋ تابىلادى. قىزمەت ىسكە قوسىلعان ساتتەن باستاپ بۇگىنگى كۇنگە دەيىن 48 ميلليوننان استام رەت الىندى. ەكىنشى ورىندا جىلجىمايتىن مۇلىك انىقتامالارى، ۇقساس كەزەڭ بويىنشا 17 ملن- نان استام انىقتاما بەرىلدى. سونىمەن قاتار ازاماتتار زەينەتاقى اۋدارىمدارى تۋرالى انىقتامالاردى ءجيى الادى (10 ميلليوننان استام انىقتاما) .
ەستەرىڭىزگە سالساق، بۇگىنگى كۇنى eGov.kz پورتالىندا ازاماتتاردىڭ ءارتۇرلى ساناتى مەن بيزنەس وكىلدەرىنە ارنالعان 215 قىزمەت پەن سەرۆيس قولجەتىمدى.
