08:39, 09 - ماۋسىم 2015 | GMT +6
اككى قىلمىسكەرلەردى ۇستاۋعا كومەكتەسكەندەرگە 100 مىڭ دوللار بەرىلەدى
استانا. قازاقپارات - تاياۋدا نيۋ-يوركتەگى قاتاڭ رەجيمدى تۇرمەدەن قاشقان اككى قىلمىسكەرلەردى ۇستاۋعا كومەكتەسكەن ادامعا 100 مىڭ ا ق ش دوللارى كولەمىندە سىياقى تاعايىندالدى.
بۇل - نيۋ-يورك اباقتىسىندا 1 جارىم عاسىردان بەرى بولىپ تۇرعان العاشقى وقيعا، دەپ حابارلايدى russian.rt. قازىرگى ۋاقىتتا تۇرمە باسشىلىعى مەن پوليتسەيلەر ولاردى قايتكەندە دە ۇستاۋدىڭ بارلىق امالدارىن جاساۋدا.
ەستەرىڭىزگە سالا كەتسەك، ادام ۇرلاپ، ولتىرگەنى ءۇشىن 25 جىلعا سوتتالعان ريچارد مەتت پەن پوليتسيا شەريفىن ءولتىرىپ، ءومىر بويى باس بوستاندىعىنان ايرىلعان دەۆيد سۆيت نيۋ- يوركتەگى قاتاڭ رەجيمدى تۇرمەدەن قاشىپ كەتكەن بولاتىن.
ولار كامەرا قابىرعاسىن 30 سانتيمەتر ەتىپ ويىپ، عيماراتتىڭ تەحنيكالىق بولىگىنە جەتكەن. سول جەردەگى كارىز جەلىسى قۇبىرىن بويلاي وتىرىپ، ونىڭ تۇزەتۋ مەكەمەسىنەن تىس جەرگە شىعاتىن تۇسىن تەسىپ شىعىپ، ىزدەرىن سۋىتقان.
www.24.kz