قىرعىزستان ءجۇسىپ بالاساعۇننىڭ 1000 جىلدىعىن اتاپ وتۋدە
ءجۇسىپ بالاساعۇننىڭ «قۇتتى بىلىگى» ─ Х-ХІ عاسرلارداعى ورتالىق ازياداعى مۇسىلمان رەنەسسانسىنىڭ ايناسى» اتتى V حالىقارالىق عىلىمي- تاجىريبەلىك كونفەرەنتسيا باستالدى، دەپ حابارلايدى TWESCO سايتى.
حالىقارالىق جيىن تۇركى جۇرتىنىڭ ويشىل دانىشپانى ءجۇسىپ بالاساعۇننىڭ 1000 جىلدىق مەرەيتويىنا ارنالىپ وتىر.
كونفەرەنتسيانىڭ اشىلۋ سالتاناتىندا تۇركى اكادەمياسى حالىقارالىق ۇيىمىنىڭ (TWESCO) باسشىسى دارحان قىدىرالىنىڭ قۇتتىقتاۋ حاتىن ۇيىم قىزمەتكەرى نۇربولات بوگەنبايەۆ وقىپ بەردى.
3 كۇنگە سوزىلاتىن جيىندا بىرنەشە مەملەكەتتەن جينالعان كورنەكتى عالىمدار مەن تۇركىتانۋشىلار 4 عىلىمي سەكسيا بويىنشا باياندامالار وقىپ، كەلەلى پىكىرلەرىن ورتاعا سالادى.
ايتا كەتۋ كەرەك، TWESCO دا ءجۇسىپ بالاساعۇننىڭ 1000 جىلدىق مەرەيتويىنا تارتۋ رەتىندە ۇلى ويشىلدىڭ «قۇتادعۋ بىلىك» داستانىن جاريالاپ، ءبىرقاتار حالىقارالىق ءىس-شارالار وتكىزدى.
