دينارا ءسادۋاقاسوۆا الەمدەگى 100 مىقتى شاحماتشى تىزىمىندە 53- ورىنعا ورنىقتى
دەپ حابارلايدى شاحمات فەدەراتسياسىنىڭ باسپا ءسوز قىزمەتىنەن.
فينالدىق راۋند الدىندا وق بويى وزىق تۇرۋى ءبىزدىڭ سپورتشىنىڭ قارسىلاستارىنان، ولاردىڭ شەبەرلىك دەڭگەيلەرىنىڭ جوعارى بولعانىنا قاراماستان، الدەقايدا باسىم ەكەندىگىن كورسەتتى. دينارانىڭ قارسىلاستارى - مىقتى دەگەن 65 شاحماتشى قىز، 42 ەلدىڭ چەمپيوندارى. ويىن ناتيجەسىندە سپورتشى 11 ۇپايدىڭ 10 ىن جينادى. وسىلايشا وزىمەن بىرگە تۋرنير بويى باسەكەلەسكەن گەرمانيالىق Osmanodja Feliz-دان ءبىر جارىم ۇپايعا العا وزدى. ءۇشىنشى ورىندى 8 ۇپايمەن قىتايلىق Xiao Yiyi الدى.
ايتا كەتەيىك، الەمدىك تيتۋل - ەلوردالىق شاحماتشى قىزدىڭ قورجىنىنداعى ءۇشىنشى ءىرى جۇلدە. ول 14 جانە 17 جاسقا دەيىنگى جاسوسپىرىمدەر اراسىندا جەڭىمپاز اتانعان بولاتىن. ايتۋ كەرەك، دينارا ازيا مەن الەمنىڭ ءۇش دۇركىن ۆيسە- چەمپيونى.
2014 - جىل - دينارا ءۇشىن ءساتتى جىل بولدى. حالىقارالىق جارىستارداعى، سونداي- اق، نورۆەگياداعى وليمپيادانىڭ كەرەمەت ناتيجەلەرى مەن دۋربانداعى الەم چەمپيوناتىنىڭ التىن مەدالى ديناراعا الەمنىڭ 100 مىقتى شاحماتشى قىزدارىنىڭ تىزىمىندە 53- ورىنعا جايعاسۋعا مۇمكىندىك بەردى.
