نۇر-سۇلتاننىڭ 100 تۇرعىنى 1 ميلليون تەڭگەدەن باسپانا سەرتيفيكاتىن الدى

«ەلوردا كۇنى قارساڭىندا 1 ميلليون تەڭگەنىڭ تۇرعىن ءۇي سەرتيفيكاتىن تابىس ەتۋ شاراسىن وتكىزۋىمىز - قۋانتارلىق جايت. بۇل سوما ءۇش ساناتتاعى، اتاپ ايتقاندا ءبىلىم بەرۋ، دەنساۋلىق ساقتاۋ جانە قۇقىق قورعاۋ ورگاندارى سالالارىنىڭ ازاماتتارى ءۇشىن ۇلكەن كومەك. بۇل يگى شارا «نۇرلى جەر» مەملەكەتتىك باعدارلاماسى اياسىندا وسى جىلدىڭ باسىندا باستاۋ العان ەدى.

 باعدارلاما تۇرعىن ءۇي قۇرىلىس جيناق بانكى ارقىلى جۇزەگە اسىرىلادى. جىلدىڭ باسىندا مۇنداي سەرتيفتيكاتتى 147 ازامات العان ەدى. ەندى، مىنە، بۇگىن تاعى 100 ادامعا تابىستاپ وتىرمىز»، - دەدى نۇر- سۇلتان قالاسى اكىمىنىڭ ورىنباسارى ەرلان كاناليميەۆ.

ونىڭ ايتۋىنشا، بۇگىن سەرتيفيكات العان ازاماتتاردىڭ شامامەن 90 ى بيۋدجەت قالاسىندا، ال قالعاندارى دەنساۋلىق ساقتاۋ جانە قۇقىق قورعاۋ ورگاندارىندا جۇمىس ىستەيدى.

«ولار - تولەم قابىلەتىن جانە تۇراقتى تابىسى بار ەكەنىن دالەلدەگەن ادامدار. بۇل ازاماتتار ءۇشىن اتالعان سوما باستاپقى جارنانى تولەۋ ءۇشىن ايتارلىقتاي كومەك بولادى»، - دەدى ول.

 ايتا كەتەرلىگى، بيىل تۇرعىن ءۇي سەرتيفيكاتى ءۇشىن قالا بيۋدجەتىنەن 1,5 ميلليارد تەڭگە قاراستىرىلعان.