قىتايدا جول وپىرىلىپ ءتۇستى: 10 ادام جىم-جىلاس جوعالدى، 15 سى جاراقاتتانعان
شينين. شينحۋا- قازاقپارات - دۇيسەنبى كۇنى قىتايدىڭ سولتۇستىك- باتىسىنداعى شينحاي پروۆينسياسىندا جولدىڭ وپىرىلىپ ءتۇسۋى سالدارىنان 10 ادام جىم-جىلاس جوعالىپ، 15 ادام جاراقاتتاندى، قۇتقارۋ جۇمىستارى جۇرگىزىلىپ جاتىر، دەپ حابارلايدى شينحۋا.
وقيعا دۇيسەنبى كۇنى ساعات 17:30 شاماسىندا بولعان. پروۆينسيانىڭ اكىمشىلىك ورتالىعى - سانين قالاسىنداعى نانداتسزە كوشەسىندە جولدىڭ ءبىر بولىگى وپىرىلىپ تۇسكەن. اۆتوبۋس شۇڭقىرعا قۇلاپ، جارىلعان، دەپ حابارلادى جەرگىلىكتى بيلىك وكىلدەرى.
نانداتسزە كوشەسى - ۇزدىكسىز قوزعالىس بولىپ تۇراتىن قالانىڭ نەگىزگى ماگيسترالى. قۇتقارۋشىلار ءىز-ءتۇزسىز جوعالىپ كەتكەندەردى ءالى ىزدەستىرىپ جاتىر.
قالالىق توتەنشە جاعدايلاردى باسقارۋ دەپارتامەنتىنىڭ مالىمەتى بويىنشا، زارداپ شەككەندەر ەم قابىلداپ جاتىر جانە جاعدايلارى اۋىر ەمەس.
فوتو: russian.news.cn
