دۇنيەجۇزىلىك بانك تۇركياعا 1,78 ميلليارد دوللار بولەدى
«تابيعات اپاتىنىڭ اۋقىمىن باعالاۋ جانە ءبىرىنشى كەزەكتە قالپىنا كەلتىرىلىپ، قايتا قۇرۋدى قاجەت ەتەتىن وبلىستاردى انىقتاۋ ءۇشىن زالال كولەمىن جەدەل باعالاۋ باستالدى»، دەلىنگەن بانك مالىمدەمەسىندە. مالىمدەمەدە 1 ميلليارد 780 ميلليون دوللار كوپتەگەن ادام شىعىنىنا، جاراقات پەن تۇركيانىڭ وڭتۇستىك- شىعىسىنا ايتارلىقتاي زالال اكەلگەن ءزىلزالا مەن افتەرشوكتاردان كەيىنگى قۇتقارۋ جانە قالپىنا كەلتىرۋ جۇمىستارىن جۇرگىزۋگە بولىنەدى. دۇنيەجۇزىلىك بانك باسشىسى دەۆيس مالپاسس «دۇنيەجۇزىلىك بانك بۇگىن ادامداردىڭ جاپپاي ولىمىنە، جارالانۋىنا جانە تۇركيانىڭ وڭتۇستىك- شىعىسى مەن ونىڭ اينالاسىنا ايتارلىقتاي زالال كەلتىرگەن ءزىلزالا مەن ودان كەيىنگى جەراستى دۇمپۋلەرىنەن سوڭ قالپىنا كەلتىرۋ جۇمىسى مەن كومەك كورسەتۋگە $1,78 ميلليارد بولەتىنىن» ايتتى.
سونىمەن قاتار ول دۇنيەجۇزىلىك بانك تابيعات اپاتتارىن رەتتەۋدەگى حالىقارالىق تاجىريبەسىنە سۇيەنە وتىرىپ، ءبىرىنشى كەزەكتە قالپىنا كەلتىرىلۋى ءتيىس وبلىستاردى جانە اپاتتىڭ اۋقىمىن انىقتاۋ ماقساتىندا زالال شىعىنىن جەدەل باعالاۋعا كىرىسكەنىن جەتكىزدى.
ەسكە سالساق، 6-اقپان كۇنى تۇركيانىڭ كاحرامانماراش- پازاردجيك اۋدانىندا 7,7 بالل قۋاتىمەن جانە ەلبيستاندا 7,6 بالل قۋاتىمەن جەر سىلكىنگەننەن كەيىن 648 افتەرشوك بولعان.
جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس ەلدەردە، سونىڭ ىشىندە سيريادا سەزىلدى.
قازاقستاندىقتار تۇركيا حالقىنا كومەك رەتىندە 100 گە جۋىق كيىز ءۇي جىبەرەدى.
قازاقستان ۇكىمەتى تۇركياعا گۋمانيتارلىق كومەك رەتىندە $1 ميلليون ءبولدى.
سونداي- اق Kaspi.kz قوسىمشاسى ارقىلى تۇركيادا زارداپ شەككەندەرگە قاراجات اۋدارۋعا بولادى.
فوتو: Banco Mundial
