تالدىقورعاندا 1,5 ميلليون تەڭگە زەينەتاقىنى جەتكىزبەك بولعان پوشتا قىزمەتكەرىن توناپ كەتتى
وقيعا 3 - اقپان كۇنى بولدى. كۇندىزدى ساعات 11:00-دە پوليتسيا بولىمشەسىنە 53 جاستاعى پوشتا قىزمەتكەرى ارىزدانعان.
«پوشتا قىزمەتكەرى ۆەلوسيپەدپەن زەينەتكەرلەر ۇيىنە كەلە جاتقان تۇستا بەلگىسىز بىرەۋ ارتقى جاقتان كەلىپ، ارتقى جاشىگىندە جاتقان دوربانى الىپ كەتكەن. ال وندا 1,5 ميلليون تەڭگە قاراجات بولعان. جەدەل- ىزدەستىرۋ شاراسى بارىسىندا 40 جاستاعى جۇمىسسىز جۇرگەن جەرگىلىكتى تۇرعىن ۇستالدى. ول ءوز كىناسىن مويىندادى. كۇدىكتى بۇعان دەيىن دە سوتتالعان بولىپ شىقتى»، - دەدى تالدىقورعان قالالىق پوليتسيا باسقارماسىنىڭ باسشىسى اسقار نۇرساپا.
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قازىر اتالعان فاكتىگە سايكەس ق ر ق ك 191 - بابى 1 - بولىگى «توناۋ» دەرەگى بويىنشا سوت الدى تەرگەۋ ءجۇرىپ جاتىر. كۇدىكتى ۋاقىتشا ۇستاۋ يزولياتورىنا قامالدى.
اۆتور: سامال قابىشيەۆا