17:57, 25 - تامىز 2018 | GMT +5
الاياقتىق جولمەن 1,5 ميلليون تەڭگە العان وفيتسەر ۇستالدى
استانا. قازاقپارات - الماتى وبلىسىندا ەكونوميكالىق تەرگەۋ قىزمەتىنىڭ وفيتسەرى الاياقتىق جاساعانى ءۇشىن ۇستالدى، دەپ حابارلايدى قازاقپارات.
«24- تامىزدا الماتى وبلىسى بويىنشا سىبايلاس جەمقورلىق قىزمەتىمەن الماتى وبلىستىق مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتىنىڭ جەدەل-ىزدەستىرۋ قىزمەتى باسقارماسىنىڭ اعا وفيتسەرى الاياقتىقتىق بويىنشا اشكەرەلەندى. وفيتسەر دەلدال ارقىلى ج ش س باس بۋحگالتەرىنەن ونىڭ وندىرىسىندە بولماعان بيۋجەت قاراجاتىن جىمقىرۋ فاكتىسى بويىنشا قىلمىستىق ءىستى قىسقارتۋ سىلتاۋىمەن 1,5 ميلليون تەڭگە سوماسىنداعى اقشا قاراجاتىن الداۋ جانە سەنىمدى كەرى پايدالانۋ ارقىلى العاندىعى ءۇشىن كۇدىكتەلۋدە»، - دەلىنگەن سىبايلاس جەمقورلىققا قارسى ءىس-قيمىل ۇلتتىق بيۋروسى تاراتقان حابارلامادا.
كۇدىكتى ءوز كىناسىن تولىق مويىنداۋىنا بايلانىستى قاماۋعا الىنباعان.
