10:12, 16 - قاڭتار 2017 | GMT +5
شەبەرلەر جەتى جىل توقىعان عاجايىپ كىلەم 1,4 ميلليون دوللارعا باعالاندى
استانا. قازاقپارات - دۋباي قالاسىندا وتكەن كىلەمدەر كورمەسىندە بۇل كىلەمىنىڭ قۇنى 1,4 ميلليون دوللارعا باعالانعان. جالت- جۇلت ەتىپ، كوزدىڭ جاۋىن العان بۇل كىلەمنىڭ وزىندە 4,2 كەلى التىن بار كورىنەدى.

ولشەمى التى دا ون مەتر بولاتىن عاجايىپ كىلەمدى 6 ادامنان تۇراتىن شەبەرلەر توبى جەتى جىل بويى توقىعان. «التىن كىلەمنىڭ» توقۋ بارىسىندا شەبەرلەر 800 دەن استام ءتۇس قولدانعان. سونداي- اق، كىلەم بەتىندە پارسىلار تاريحىنىڭ ءتۇرلى كەزەڭدەرى بەينەلەنگەن.
دۋباي قالاسىنىڭ كەدەن ديرەكتورى احماد ماحبۋبا مۋسابيحانىڭ ايتۋىنشا، Dubai Shopping Festival فەستيۆالى اياسىندا ءوتىپ جاتقان كىلەم كورمەسىنە 200000 عا جۋىق قولونەر تۋىندىلارى قاتىسقان. ولاردىڭ جالپى قۇنى 2 ميلليارد ديرحامعا (545 ميلليون دوللار) باعالانعان.
Muslim.kz