كوپ بالالى ەمەس 1-3 بالاسى بار وتباسىلارعا بەرىلەتىن جاردەماقى ەنگىزىلۋى مۇمكىن بە

نۇر-سۇلتان. قازاقپارات - كوپ بالالى ەمەس وتباسىلارعا جاردەماقى ەنگىزۋ تۋرالى حالىق تاراپىنان ۇسىنىستار ايتىلىپ كەلەدى. وسىعان بايلانىستى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ تۇسىنىك بەردى.

«مينيسترلىكتىڭ ىشىندە ءارتۇرلى تاسىلدەرىن قاراپ، قارجىنى دا ەسەپتەپ كورىپ جاتىرمىز. ءبىراق بۇل ماسەلە قارجى مۇمكىندىگىنە بايلانىستى»، - دەدى ءبىرجان نۇرىمبەتوۆ.

ايتۋىنشا، قازىرگى ۋاقىتتا 370 مىڭ كوپ بالالى وتباسى جارەدەماقى الادى. «مىسالى بىزدە كوپ بالالى 370 مىڭ جانۇيا بار. سونىڭ ىشىندە از قامتىلعان 125 مىڭ جانۇيا بار. ال ەندى 1,2,3 بالالى از قامتىلعان جانۇيالاردىڭ سانى - 190 مىڭ. ال قازاقستان بويىنشا 1,2,3 بالاسى بار 2 ميلليون 904 جانۇيا بار. 15 ەسە كوپ. سوندىقتان ول 15 ەسە ارتىق قاراجاتتى تالاپ ەتەدى.

ەكىنشىدەن، باسقا داۋلەتتى، جاعدايى جاقسى وتباسىلارعا دا وسى جاردەماقىنى تولەۋ كەرەك پە، جوق پا؟ ول دا ۇلكەن سۇراق. سوندىقتان ءبىز ءالى ەشقانداي شەشىمگە كەلگەن جوقپىز. ءبىراق ونىڭ ءبارىن قاراپ جاتىرمىز»، - دەدى.

سونىمەن قاتار ەلىمىزدە بالالى وتباسىلارعا بەرىلەتىن جاردەماقىلاردىڭ 6 ءتۇرى بار ەكەنىن ايتىپ ءوتتى. تابىسى تومەن بولسا، 1-3 بالاسى بار وتباسىلار دا اتاۋلى الەۋمەتتىك كومەك الادى.

www.24.kz