قوستاناي وبلىسىندا سوڭعى 1-2 كۇندە ءۇش ادام سۋعا كەتتى

استانا. قازاقپارات - قايعىلى وقيعانىڭ ەكەۋى وبلىس ورتالىعىنىڭ اۋماعىندا بولدى. بىرىندە ەر ادام شومىلۋعا جابدىقتالماعان جەردە سۋعا باتقان.

ەكىنشىسىندە 52 جاسار قالا تۇرعىنى باسىن كاتامارانعا سوعىپ، ەس جيماي وزەن تۇبىنە كەتكەن. ونىڭ ىشىمدىك ىشكەنى انىقتالدى. ال بەيىمبەت مايلين اۋدانىندا بالىق اۋلاۋعا شىققان زەينەتكەردى ءالى كۇنگە ىزدەپ جاتىر. كۋاگەرلەردىڭ ايتۋىنشا، ەر ادامنىڭ قايىعى اۋدارىلىپ، سۋدان شىعا الماي قالعان. ۇستىندە قۇتقارۋ كۇرتەشەسى دە بولماپتى.

قۇرمانعازى تاۋەكەلوۆ، وبلىستىق ت ج د ازاماتتىق قورعانىس باسقارماسىنىڭ اعا وفيتسەرى:

- جەدەل قۇتقارۋ جاساعىمەن 12 كيلومەتر جاعاۋ مەن شارشى مەتر سۋدىڭ ءتۇبى زەرتتەلدى. سۋدىڭ قولايسىزدىعىنان جانە كورىنبەۋىنەن بايلانىستى قۇتقارۋ جۇمىستارى كۇردەلەنۋدە. بۇگىنگى كۇنى التى قۇتقارۋشى مەن ءبىر بىرلىك كاماز جانە دە ءبىر ءجۇزۋ قۇرالى جۇمىس ىستەۋدە.

www.24.kz