08:18, 13 - ناۋرىز 2015 | GMT +6
اۋە قوزعالتقىشتار ءۇشىن تولەنەتىن باج سالىعىن 0 پايىزعا دەيىن تومەندەتىلدى
استانا. قازاقپارات - 10- ناۋرىزدا ەۋرازيالىق ەكونوميكالىق كوميسسيانىڭ كوللەگيا وتىرىسىندا ازاماتتىق اۋە كەمەلەرىنە ارنالعان قۋاتتىلىعى 1100 كۆت دەيىنگى تۋربينالى- ۆينتتى قوزعالتقىشتاردى ەنگىزۋگە تولەنەتىن كەدەندىك باج سالىعىنىڭ كەدەندىك قۇنىن 7%- دان %0 عا دەيىن تومەندەتۋ شەشىمى قابىلداندى.
بۇل تۋرالى ە ە ك باسپا ءسوز قىزمەتىنەن حابارلاندى.
«مۇنداي قوزعالتقىشتار ە ا ە و ەلدەرىندە وندىرىلمەگەندىكتەن، اتالعان شارا شاعىن اۆياتسيا كاسىپورىندارىنىڭ، وقۋ-جاتتىعۋ جانە قىزمەت كورسەتۋ ورتالىقتارىنىڭ شىعىندارىن ازايتىپ، ولاردىڭ دامۋىنا جاعداي جاسايدى. سونىمەن قاتار، بۇل شارا يمپورتتىق قوزعالتقىشتاردى پايدالاناتىن جەڭىل ۇشاقتار مەن ازاماتتىق تىكۇشاقتاردىڭ دامىپ جاتقان ءوندىرىسىن قولدايدى»، - دەپ ءتۇسىندىردى ە ە ك ساۋدا ءمينيسترى اندرەي سلەپنيەۆ.
