گ. گولوۆكين ءوزىنىڭ ۇلتتىق وليمپيادا كوميتەتىنىڭ پرەزيدەنتتىگىنە ۇسىنىلعانىن بىلە مە
استانا. KAZINFORM - ۇلتتىق وليمپيادا كوميتەتى سپورت دەپارتامەنتىنىڭ ديرەكتورى ەلسيار قاناعاتوۆ ۇ و ك پرەزيدەنتتىگىنە ايگىلى بوكسشى گەننادي گولوۆكيننىڭ ۇسىنىلعانى تۋرالى مالىمەتكە پىكىر ءبىلدىردى.
«قازىر ۇيىمداستىرۋ جۇمىستارى ءجۇرىپ جاتىر. ۇلتتىق وليمپيادا كوميتەتىنىڭ ءوز اسسامبلەياسى بولادى. ونىڭ ءوزىنىڭ ءتارتىبى بار. سوعان سايكەس جۇمىستار اتقارىلىپ جاتىر»، - دەدى ول تۋرزيم جانە سپورت مينيسترلىگىنىڭ القا ماجىلىسىنەن كەيىن.
«گولوۆكيننىڭ كانديداتۋراسىن كىم ۇسىندى؟ ول ءوزى كانديداتۋراسى ۇسىنىلعانىن بىلە مە؟»، - دەپ ناقتىلادى جۋرناليست.
«فەدەراتسيالار ۇسىنعان سياقتى. مەندە ونداي اقپارات جوق. نەگە دەسەڭىز، ول ماسەلەمەن ءبىزدىڭ زاڭعا بايلانىستى ادامدار جۇمىس ىستەپ جاتىر»، - دەدى ەلسيار قاناعاتوۆ.
ەسكە سالايىق، ەلدەگى ب ا ق گەننادي گولوۆكين ۇلتتىق وليمپيادا كوميتەتىنىڭ پرەزيدەنتتىگىنە ۇسىنىلعانى تۋرالى جازعان بولاتىن.
اۆتورەسىمجان ناقتىباي
